Innovación Tecnolóxica

Áreas Wifi

O Concello das Neves está a avanzar na instalación de posibllidades de conexión a internet nos edificios públicos nas parroquias e centro urbano.

Instalación de áreas wifi para acceso libre a cidadanía.

Actualmente hai conexión a internet sen fíos en varios edificios municipais.

Biblioteca/Concello

Centro Social

Casa da Xuventude

Mercado

Edificio de Correos

Gardería

Punto Limpo

Casa da Música/Centro Cultural de Rubiós

Centro Social de San Pedro de Batalláns

Centro Social de Santiago de Ribarteme

*Dende xullo de 2020 estas zonas wifi pasan a compartir nome de rede e contrasinal para maior comodidade da veciñanza.

Xestión de Incidencias - Línea Verde

Comunica ao Concello, en tempo real e empregando o teléfono móbil, calquera problema que se atope na vila. Só facendo unha fotografía 

Mediante a nova App ‘Linea Verde As Neves’, é posible informar, facendo so unha fotografía, de calquera avaría, dano, atranco ou perigo que se atope en calquera lugar do concello e que teña que ver co alumeado, abastecemento, saneamento, estradas, camiños e pistas urbanas e rurais, lixo e limpeza, compostaxe, punto limpo ou áreas de lecer e de deportes.

As avarías ou danos que se comuniquen chegarán ás persoas do Concello encargadas de reparalas e a veciña ou veciño que realice a comunicación recibirá un aviso no seu teléfono móbil informando do estado da reparación- se a mesma está en curso, cando está previsto acometela ou se xa se traballa nela-e en canto se solucione se lle enviará aviso, incluso cunha fotografía, para que poida ver que, efectivamente, o problema está resolto.

Esta nova aplicación, que pode baixarse dende “Play Store“ para teléfonos android ou dende “AppStore” para teléfonos Iphone, abrangue tamén incidencias que poidan producirse en fontes e lavadoiros e sinalizacións de tráfico, permite denunciar casos de acoso escolar e violencia machista e alertar de situacións de risco social ou sanitario.

Así mesmo, os cidadáns poden pedir información sobre medio ambiente, realizar consultas e obter respostas personalizadas en 24 horas, solicitar a recollida de residuos, buscar información sobre puntos de interese do concello ou acceder a outros servizos municipais como o de Turismo, Patrimonio, Urbanismo ou Edificios Públicos.

 

Notificacións e novas no teu teléfono 

Os veciños e veciñas que o desexen poderán recibir no seu teléfono todas as comunicacións, novas de actualidade e alertas  que o Concello publique nas súas redes sociais e participar, tamén, en consultas e enquisas que se fagan dende a administración municipal.

Díptico Informativo

Web e Redes Sociais

O Concello das Neves iniciou un novo e complementario xeito de achegarse a veciñanza utilizando as tecnoloxías para trasladar a información.

Esta nova páxina web, correos electrónicos en cada departamento, o uso de redes sociais oficiais do Concello pretenden achegar con prontitude toda a información que se pode xerar a toda a poboación.

Páxina web Concello As Neves: www.asneves.gal

Facebook: Concello As Neves (@concelloasneves)

Twitter: Concello As Neves (@AsNevesConcello)

Instagram: Concello As Neves (concelloasneves)

Youtube: Concello As Neves (Concello As Neves)

 

Amáis tamén dispomos redes propias do departamento de Turismo

Páxina web Turismo As Neves: www.asneves.gal/visita-as-neves

Facebook: Turismo As Neves (@turismoasneves)

Twitter: Turismo As Neves (@NevesTurismo)

Instagram: Turismo As Neves (turismoasneves)

Youtube: Turismo As Neves (Turismo As Neves)