Blog

26 Mar
0

II Xornadas de Abril de Historia das Neves

II Xornadas de Abril de Historia das Neves

Ler Máis
25 Mar
0

A Deputación porá en marcha este mes tres centros de compostaxe comunitaria do plan Revitaliza nas Neves

O mércores día 13 realizarase unha charla informativa ás 18.30 horas no composteiro comunitario situado diante da Casa da Xuventude

O mestres e mestras composteiros do Plan Revitaliza da Deputación de Pontevedra porán en marcha neste mes de marzo tres centros de compostaxe comunitaria no centro urbano do Concello das Neves. O obxectivo é mudar o modelo de xestión de lixo de toda a veciñanza tanto no núcleo da vila coma no rural, e que todos os biorresiduos se composten en lugar de depositalos nos colectores verdes.

Haberá unha reunión informativa para a posta en marcha de cada un dos centros de compostaxe comunitaria. A primeira será este mércores día 13 ás 18.30 horas no composteiro situado diante da Casa da Xuventude. Alí as catro mestras e mestres composteiros que traballan no Concello, xunto co técnico de residuos, explicaran á veciñanza todo o que precisen sobre compostaxe, aclarando as dúbidas que poidan xurdir sobre o funcionamento do centro comunitario e o proceso que pasa o lixo orgánico para converterse en compost. O persoal técnico anima aos veciños e veciñas da zona a achegarse e incluso a levar os seus restos de comida e vexetais para así coñecer de primeira man todo o que precisen saber, co fin de eliminar mitos sobre posibles problemas.

As seguintes postas en marcha de composteiros comunitarios serán o xoves 21 de marzo ás 18.30 horas nas inmediacións do centro de compostaxe da rúa Marquesa do Pazo, e o mércores 27 –á mesma hora- no composteiro situado no aparcadoiro anexo ao cemiterio. Paralelamente a estas charlas colectivas, o persoal técnico da Deputación realizará información porta a porta sobre compostaxe entre a veciñanza destas zonas co fin de concienciar da necesidade de compostar os residuos.

En total, no centro urbano das Neves instaláronse cinco centros de compostaxe comunitaria para xestionar en proximidade toda a materia orgánica. Nestes momentos hai funcionando un centro na rúa da Esperanza no que están a depositar os seus biorresiduos 80 familias da vila. Tamén hai un composteiro comunitario para o colexio Marquesa do Pazo da Mercé, así como nas unitarias de Taboexa e Rubiós, na gardería, no Instituto e na EFA.

Ademais dos centros de compostaxe comunitaria para xestionar os biorresiduos da zona con edificación máis densa no municipio está prevista tamén a distribución de 1.300 composteiros individuais, dos que nestes momentos xa se levan entregados preto de 750 por todas as parroquias do concello xunto, para o que tamén se fixeron as correspondentes visitas de seguimento. Lévanse dous anos co reparto dos composteiros individuais e a instalación dos cinco centros de compostaxe comunitaria, o Concello das Neves será un dos primeiros da provincia (xunto con Vilaboa, Mondariz, Mondariz Balneario, O Grove e Pontevedra) e de todo o estado que compostará todos os seus biorresiduos. Deste xeito cumprirá coa normativa da Unión Europea que obriga a que os concellos recollan de xeito separado o 100% do lixo orgánico e o traten de xeito específico en 2020.

Hai que lembrar que o Concello das Neves recibiu da Deputación unha subvención de 197.597,39 euros para desenvolver o Plan Revitaliza (o 87,06% do orzamento solicitado para mercar composteiros individuais, colectivos e materiais complementarios), ademais dun investimento de 92.430 euros para o convenio coa asociación ecoloxista Adega, co fin de prestar apoio á veciñanza na compostaxe individual e facer seguimento dos composteiros para garantir a calidade do compost que se produce.

A Deputación de Pontevedra leva dende o inicio de mandato a traballar no Plan Revitaliza co fin de promover a compostaxe de proximidade tanto por unha cuestión ambiental como porque se trata dun sistema de xestión de residuos máis económico que o actual, xa que se aforra o custe da recollida de máis do 50% da bolsa do lixo –que é a parte orgánica- ao tratarse in situ nos composteiros, o seu transporte ata a planta de incineración, e tamén no propio tratamento.

Ler Máis
21 Mar
0

O Concello inicia o asfaltado, recuperación e mellora de pistas e camiños nos barrios e parroquias das Neves

Rematado o inverno e coa chegada do bo tempo, o Concello das Neves vén de iniciar o asfaltado nos viais municipais, que estarán rematados nos vindeiros meses.

Neste intre están en marcha Calvario, na parroquia de Rubiós, e Casal, en Taboexa. Ademáis xa está adxudicado o acceso a Setados, no barrio de Lamela e de Gende en Rubiós.

Coma adiantou o alcalde, Xosé Manuel Rodríguez Méndez, están en proceso de contratación as obras máis importantes, “tendo en conta o tráfico das estradas, o servizo que prestan e o mal estado no que se atopan”, dende Guimeráns, en San Pedro, ate Santa Eulalia de Batalláns e a pista dende a Igrexa de San Pedro ate o Pousadouro en San Xosé de Ribarteme.

O alcalde subliña que está finalizando a fase de adxudicación o plan de retirada de raíces “en máis dunha dúcia de puntos”, en moitas das parroquias e o Goberno local tramitou xa a subvención do ‘Plan Camiños’ da Xunta de Galicia, para renovar o asfaltado nos barrios da Chan e Filgueira.

Ler Máis
18 Mar
0

O Goberno local amosa o seu malestar polo uso de herbicidas por parte da Xunta dentro do concello das Neves

O Goberno local das Neves vén de amosar o seu malestar polo uso, por parte da Xunta de Galicia, de herbicidas para tratar as beiravías das estradas autonómicas que pasan polo concello.
Este malestar tamén foi trasladado polos veciños das parroquias nas que unha empresa contratada pola Administración galega está a empregar glifosato en lugar de rozar para acabar coa maleza.
O uso deste herbicida causa preocupación entre os veciños que teñen as súas casas e fincas nas zonas nas que se está a sulfatar, aínda que dende a Xunta se asegura que non causa dano algún nin nos cultivos ni nos animais.
Óscar González,  segundo tenente de alcalde das Neves, indica que esta empresa fixo chegar unha carta ao Concello na que “nos informa de que ao longo do ano vai empregar  ata tres veces este procedemento”, aínda que non indica en que datas concretas o vai facer.
Este mesmo venres, día 15, os empregados desta empresa estiveron traballando nas estradas PO-400 e PO-415, nos treitos da Plisan a Vide e dende a rotonda da Plisan, pasando polas Neves ata o Stop, e na estrada PO-402 que vai dende Salvaterra a Vilasobroso e que pasa por Taboexa e San Pedro de Batalláns.
González lembra que o Pleno do Concello aprobou unha proposta na que se rexeitaba o uso de herbicidas no término municipal de As Neves, unha decisión que foi comunicada á Xunta en varias ocasións recibindo como resposta que ao ‘sulfatarse’ nas estradas autonómicas a competencia é a decisión é exclusiva da Administración galega.

Ler Máis
14 Mar
0

Traballos do Plan de Mobilidade Urbana Sustentable (PMUS)

Como mellorarías as rúas e espazos públicos de As Neves?

O Concello das Neves e a Área de Mobilidade da Deputación de Pontevedra está a realizar a recollida de datos para a confección dun Plan de Mobilidade Sustentable no concello, incorporando os distintos puntos de vista e sensibilidades presentes na veciñanza.

O obxectivo de este plan é atopar, entre todos e todas, xeitos de mellorar a mobilidade no Concello: facela máis sustentable (tanto ambiental como economicamente), adaptala ás necesidades da veciñanza para aproveitar mellor os recursos, facilitar hábitos máis respectuosos co medio ambiente; e tamén facela accesible a todas e todos de xeito seguro, reducindo as barreiras arquitectónicas e mellorando a relación entre o peón e o coche, así como o acceso aos transportes públicos.

Para conseguir isto estudaremos durante os próximos meses os desprazamentos a pé, en bicicleta, en vehículo privado e en transporte público.

Completando a información recollida por estudos anteriores, precisamos entender a realidade das distintas parroquias do concello. Por iso, creemos que o voso punto de vista do é moi importante e queremos convocarvos a unha xuntanza de máximo un dúas horas de duración, que terá lugar na Biblioteca Municipal o vindeiro luns 18 de Marzo ás 19.30 horas.

Neste encontro informarásevos sobre o proceso que se está levando a cabo e pedirásevos unha pequena colaboración na recollida de datos para o plan.

A túa opinión importa, anímate a participar!

Tamén está aberta a posibilidade de cubrir enquisa no documento online en https://www.cognitoforms.com/PlanificacionTEC/MOBILIDADEASNEVES ou en papel en PMUS As Neves enquisa en papel 

Máis información en PMUS As Neves máis información

Ler Máis
14 Mar
5

Proxecto de Ordenanza municipal de prevención de incendios forestais

De conformidade co previsto no artigo 133.1 da Lei 39/2015, de 1 de outubro, do Procedemento Administrativo Común das Administracións Públicas, co obxectivo de mellorar a participación dos cidadáns no procedemento de elaboración de normas, con carácter previo á elaboración do proxecto definitivo de ORDENANZA MUNICIPAL REGULADORA DA PREVENCIÓN DE INCENDIOS FORESTAIS, solicítase a opinión dos suxeitos e das organizacións máis representativas potencialmente afectados pola futura norma acerca de:
a) Os problemas que se pretenden solucionar coa iniciativa.
b) A necesidade e oportunidade da súa aprobación.
c) Os obxectivos da norma.
d) As posibles solucións alternativas regulatorias e non regulatorias.

Os cidadáns, organizacións e asociacións que así o consideren poden facer chegar as súas opinións sobre os aspectos expostos no seguinte cuestionario durante o prazo de dez días a contar desde o día seguinte ao de publicación do presente anuncio na web municipal, mediante a súa presentación en calquera dos lugares indicados no artigo 16 da Lei 39/2015, de 1 de outubro, do Procedemento Administrativo Común das Administracións Públicas.

Problemas que se pretenden solucionar coa iniciativa
Evitar a perdas de riqueza nas economías rurais, o risco severo para as persoas e os ecosistemas e o gasto público que supoñen os incendios forestais
Necesidade e Oportunidade da súa aprobación
A vaga de lumes de outubro de 2017 amosa de xeito indubitado a necesidade e oportunidade de cumprir coas obrigas establecidas pola Lei 3/2007, de prevención e defensa contra incendios forestais de Galicia.
Obxectivos da norma
Regulación da xestión da biomasa vexetal no territorio municipal do Concello das Neves e dentro do seu ámbito competencial, nos termos definidos na Lei 3/2007, de prevención e defensa contra incendios forestais de Galicia.
Posibles solucións alternativas regulatorias e non regulatorias
Resulta preciso aprobar unha Ordenanza Municipal REGULADORA DA PREVENCIÓN DE INCENDIOS FORESTAIS porque actualmente este concello carece de toda clase de regulación

 

PROXECTO_ORDENANZA PREVENCIÓN DE INCENDIOS

 

Proceso participativo/enquisa:

(máis…)

Ler Máis
13 Mar
0

Depo Aventura A Lanzada 2019

Depo Aventura A Lanzada 2019

Oferta de 2.200 prazas nos campamentos de verán para menores da provincia de Pontevedra.

A Deputación provincial, co obxecto de promover e fomentar o desenvolvemento persoal e social das nenas e os nenos e favorecer a comunicación e o dinamismo multicultural, organiza o programa “Depo Aventura A Lanzada” 2019 e oferta 2.200 prazas nos campamentos de verán para menores da provincia de Pontevedra.

Este programa ofrece a posibilidade de que nenas e nenos gocen do seu tempo libre no verán participando en actividades de carácter lúdico, cultural, deportivo e formativo, que contribúan ao seu enriquecemento persoal e lles faciliten coñecer outros lugares fóra do seu contorno habitual.

OBXECTIVOS

  1. Fomentar o contacto coa natureza
  2. Ensinar a desenvolverse nun medio non habitual
  3. Potenciar a motricidade e a maduración persoal
  4. Ensinar a ocupar o tempo libre dunha forma construtiva
  5. Desenvolver a sociabilidade entre as e os menores
  6. Inculcar hábitos hixiénicos, alimentarios e de exercicio físico
  7. Fomentar o respecto polo medio e a conservación da natureza
  8. Darlles a oportunidade de participar a menores pertencentes a familias con escasos recursos económicos

As solicitudes presentaranse preferiblemente por vía electrónica a través do formulario normalizado dispoñible na Sede Electrónica da Deputación de Pontevedra,  https://sede.depo.gal

O prazo de presentación das solicitudes será de 15 días hábiles contados a partir do día seguinte ao da publicación do extracto desta convocatoria no Boletín Oficial da Provincia de Pontevedra (BOPPO), é dicir, do 7 ao 28 de marzo de 2019.
Non obstante, no BOPPO núm. 243, de 19 de decembro de 2018, publicouse o calendario laboral do 2019 para a Comunidade Autónoma de Galicia, no que se inclúen as festas laborais de carácter xeral e as de carácter local.
O xoves 28 de marzo é festa de carácter local no concello de Vigo, polo que, de conformidade co establecido no artigo 30.6 da Lei 39/2015, de 1 de outubro, de réxime xurídico das administracións públicas e do procedemento administrativo común, o prazo para a presentación de solicitudes das persoas empadroadas en Vigo remata o venres 29 de marzo de 2019.

Para calquera aclaración ou dúbida poderá poñerse en contacto co Servizo de Cohesión Social e Xuventude a través do teléfono 986 804 100 ou do seguinte enderezo de correo electrónico: cohesionsocialexuventude@depo.es

Ler Máis
13 Mar
0

Depotermal

O Concello adheriuse ao programa Depotermal 2019 organizado pola Deputación de Pontevedra.

Contido:

  • Programa de asistencia diaria (1.248 prazas)
  • Programa termal con pernoita (3.186 prazas)

Prazo de inscripción: O prazo de presentación de solicitudes para a cidadanía será do 28 de febreiro ao 29 de marzo ( ambos incluídos).

Requisitos:

  • Poderán beneficiarse do plan termal as persoas empadroadas na provincia de Pontevedra que non padezan ningunha enfermidade ou patoloxía incompatible coa actividade e que cumpran algún dos seguintes requisitos:
    • Ser nacido antes do 1 de xaneiro de 1969
    • En caso de ser nacido o 1 de xaneiro de 1969 ou nunha data posterior:
      • Ter a condición de pensionista polos conceptos de xubilación, invalidez, viuvez ou outras pensións, para o que se deberá achegar unha fotocopia do certificado correspondente
      • Ter recoñecido un grao de discapacidade igual ou superior ao 65 %, o que se acreditará coa tarxeta ou certificado de recoñecemento do grao de discapacidade
      • Precisar dun respiro familiar, o que se acreditará mediante o modelo de informe da traballadora ou traballador social dos servizos sociais comunitarios básicos

No caso de persoas que desexen participar no plan de forma conxunta é preciso que as dúas cumpran os requisitos esixidos nestas bases.

As persoas beneficiarias deben reunir ademais os seguintes requisitos:

  • Non padecer alteracións de comportamento que poidan perturbar a normal convivencia nos establecementos nin enfermidades transmisibles con risco de contaxio
  • Poder valerse de maneira autónoma para as actividades da vida diaria

Diptico informativo: https://www.depo.gal/documents/1076146/8524747/GAL-02+triptico+depotermal+2019+A5.pdf/03573994-8bc4-44e6-9202-a5448b23a00e

Ler Máis
08 Mar
0

8 M: Día Internacional das Mulleres

O Concello das Neves ten presente o concepto da igualdade de xénero en todas as súas políticas e declara a súa firme decisión de afondar nos valores do feminismo; a defensa da igualdade de xénero.
Dada importancia e o simbolismo da data na que nos atopamos, dende a institución recoñécese e apóiase tanto a Galegas 8M como ás convocatorias de manifestación do 3 de marzo e de folga do 8 de marzo de 2019.
Así mesmo, o Concello manifesta o seu compromiso contra as ameazas de retrocesos en materia de dereitos, de forma especial no tocante ás violencias machistas, ao dereito ao aborto e á permisividade ou legalización dos ventres de aluguer.
As Neves é igualitaria, As Neves é feminista.

#AsNeves #8M #Feminismo #Igualdade

Ler Máis
04 Mar
0

MonÇão e As Neves proxectan unha ponte colgante peonil e para bicicletas no río Miño

Os Alcaldes de MonÇão e das Neves, Antonio Barbosa e Xose Manuel Rdgz Méndez xunto cos técnicos visitaron nesta tarde do luns os lugares onde se proxecta a construción e instalación dunha ponte colgante no río Miño.

A ponte peonil que tamén permitirá o paso para bicicletas será posta en marcha a través do programa de cooperación europeo POPTEC e estará establecido dentro do Estudo de Mobilidade Transfronteriza, que impulsa a Deputación, como un elemento singular da zona e un pontente atractivo turístico.

O Miradoiro de San Francisco, preto de Porto Maior, e a Freguesía da Bela son os puntos de unión que permitirán conectar o galego Sendeiro dos Pescadores coa Portuguesa Ecopista.

Alcaldes e técnicos na beira do río Miño

Ler Máis