Blog

09 Xan
0

Cinema de Inverno

O Concello das Neves, coa colaboración da Deputación de Pontevedra, volve, de novo, os sentidos ao sétimo arte e inicia unha nova tempada do ciclo ‘Cinema de Inverno’, que terá como ‘sa de proxección’, o Auditorio Municipal

A primeira proxección chegará á pantalla o domingo día 27 de xaneiro, ás 6 e media da tarde, da man das curtas infantís de OQO Editora, ‘Os sete cabritos’, ‘A pota que trota e ‘Fiz, o coleccionista de medos’.

Tamén outro domingo, este será o 17 de febreiro, e á mesma hora no mesmo lugar, proxectarase ‘Dhogs’, a primeira longametraxe dirixida por Andrés Goteira e producida por Suso López.

O sábado 9 de marzo, ás 8 da tarde, e tamén no Auditorio, as luces vanse apagar para darlle paso a ‘Tódalas mulleres que coñezo’, unha longametraxe de Xina do Teixeiro, da produtora Walkie Talkie Films.

Ler Máis
02 Xan
0

Avanza o Plan Revitaliza coa construcción dos Centros de Compostaxe Comunitaria

O Plan Revitaliza impulsado polo Goberno Local das Neves, en colaboración coa Deputación de Pontevedra, segue adiante co seu obxectivo: que ao longo deste ano 2019 sexa posíbel compostar tódolos residuos orgánicos que se producen no concello.

Os primeiros pasos déronse co inicio da distribución de 1.300 composteiros individuais aos que, agora, súmanse a construción de 5 Centros de Compostaxe Comunitaria que estarán situados en cinco lugares achegados á veciñanza que residen en pisos, que non teñen horta ou preto de grandes produtores de refugallos orgánicos coma restaurantes ou o comedor do colexio.

As obras comezaron no Nadal para a colocación dun centro de compostaxe no colexio “coa finalidade de minimizar incomodidades e continuar na zona máis urbana pasadas as festas”, sinala o concelleiro de Medio Ambiente, Óscar González, quen subliña que todo está programado para causar o menor impacto ou molestia á veciñanza, o comercio e a comunidade escolar.

O alcalde, Xosé Manuel Rodríguez, lembra que ademais xa van entregados case 600 composteiros no resto das vivendas e “xa se comeza a notar moito a redución de lixo nos contedores verdes”.

Rodríguez sinala que veciñas e veciños coméntanlle “sorprendidos” que “antes de ter o composteiro ían ao contedor verde unhas catro veces a semana e agora levan unha bolsa a semana e non vai chea”.

Charlas en tódalas parroquias

En total, o Goberno local ten previsto realizar preto de 30 charlas en todo o concello para explicar aos veciños, de xeito personalizado, as vantaxes e o funcionamento dos composteiros. Logo, haberá un seguimento de cada un destes composteiros, unha vez colocados nas casas, por parte do persoal especializado da Asociación Ecoloxista Adega.

Cumprir coa normativa europea en 2020

O Concello das Neves quere ser un dos primeiros do continente en cumprir a normativa aprobada polo Parlamento Europeo: que os concellos dos Estados membros da Unión Europea reciclen o 50 por cento dos seus residuos antes do ano 2020. Este obxectivo será a ‘ponte’ que conducirá ata outro moito máis importante: lograr a reciclaxe do 65 por cen de todos refugallos urbanos no 2035.

Transformación en fertilizante natural

Os residuos urbanos, coa xestión anterior, cando entran en descomposición, forman líquidos que poden contaminar o subsolo e os acuíferos, ademais de producir cheiros e metano, un gas de efecto invernadoiro e con gran impacto no cambio climático.

Por medio da súa reciclaxe evítanse estes problemas e, ao mesmo tempo, estes refugallos orgánicos transfórmanse en recursos: xa que se pode obter deles por medio da compostaxe un fertilizante natural para árbores e plantas.

Ler Máis
26 Dec
0

Parque Forestal da Serra de San Fins

As parroquias de Vide, San Cibrán de Ribarteme, Cabeiras, Sela e os Concello de Arbo e das Neves elaboran a planificación do futuro Parque Forestal da Serra de Fins.

Defínense inicialmente áreas comúns de uso público, camiños, usos tendo moi enconta a prevención de incendios

 

Ler Máis
26 Dec
0

Obras nas Escolas de Rubiós e Taboexa

O Alcalde das Neves vén de supervisar as obras que se están a facer na Escola de Rubiós que teñen coma obxectivo, coma as que se levan adiante tamén na Escola de Taboexa, a mellora destes inmobles para continuar prestando o seu uso educativo.

Xosé Manuel Rodríguez Méndez comprobou que están a atallarse os problemas de humidade do edificio, así coma a de falla de illamento térmicos nas aulas, a mellora e reposición do chan e a colocación dun novo lavabo.

Para facelo posible haberá dobre fiestra en cada unha das aulas, conservando as xanelas de madeira e colocando unhas novas metálicas corredoiras. Así mesmo, está prevista a colocación dun tras-dosado interior de fábrica de ladrillo con cámara de aire e illamento e un aspirador nas chemineas das aulas, un falso teito no baño da aula principal, “para baixar a súa altura e mellorar o seu funcionamento térmico”.

Ao mesmo tempo, estanse a acometer traballos de mellora na instalación eléctrica, de calefacción e iluminación, mediante a renovación da mesma, a colocación de pantallas LED, un circuíto de alumeado de emerxencia e a colocación de novos radiadores e emisores térmicos.

Do mesmo xeito, sinala o alcalde, “estamos co mantemento da cuberta, incluíndo a substitución de xacias, pontóns e ripas en mal estado, así como de tellas rotas”.

Na Escola de Taboexa, procédese a colocación dun novo tabique divisor entre a entrada e os aseos, o pintado de teito do soportal exterior e a situación dun novo valado de madeira para protección e delimitación da zona de xogos infantís.

Poden consultar o PROXECTO

Ler Máis
19 Dec
0

Programación de Nadal do Concello das Neves, comezou coa apertura da inscrición para o Campamento Infantil, pensado para facilitar a conciliación da vida familiar e laboral

O Concello das Neves vén iniciar o prazo para inscribirse no Campamento Ambiental  ‘O noso medio’, pensado para facilitar a conciliación da vida familiar e laboral durante as vacacións de Nadal.

O mesmo, que será de balde, abrirase o luns, día 24 de decembro e durará ata o venres 4 de xaneiro de 2019. Poderán participar no mesmo nenas e nenos de entre 4 e 12 anos de idade que poderán participar en diferentes actividades dende as 9 da mañá. As inscripcións poden facerse xa no enderezo info@faia.gl.

Este campamento forma parte da ‘Programación de Nadal’ impulsada polo Concello das Neves que abrangue, entre outras propostas:

Obradoiro de Decoración de Nadal, para nenas e nenos de 5 a 12 anos (entre o 4 e o 19 de decembro, na Biblioteca Municipal); Concerto Didáctico ‘Dúas picariñas ourensás’, da man de Senén Vaamonde e dous músicos do grupo A Roda, dirixido a país e nais con nenas e nenos a partir de 2 anos de idade, o sábado 22 de decembro, ás 6 da tarde na Biblioteca Municipal.

‘Concerto de Nadal’ da Banda de Música de Rubiós, o domingo, día 23, ás 7 da tarde no Auditorio Municipal (ao remate haberá chocolate e Requeixo servido pola Coperativa do Requeixo e Mel das Neves).

6ª Carreira Popular Solidaria do Pavo, o luns, día 24, con saída na Praza Maior, organizada pola ACD Sanomedio; visita do Apalpador e Apalpadora, o venres 28 de decembro ás 12 na Praza do Concello ou, se chove, no Mercado Municipal.

Actuación Infantil ‘María Fumaça’, venres 28 ás 6 da tarde no Auditorio Municipal; o sábado 29 e domingo 30, de 10 da mañá a 9 da noite, ‘Mercadiño de Nadal: da man que ti queiras’, na Casa da Xuventude.

Concerto de Ano Novo de Corais, o domingo 30 de decembro, coa Coral Santa María das Neves e o coro invitado Lacedorium de Salvaterra de Miño, ás  6 e media da tarde no Auditorio Municipal con chocolate ao remate xunto con Requeixo e Mel.

Cabalgata de Reis, organizada polo Concello, coa colaboración do Voluntariado de As Neves, o sábado 5 de xaneiro de 2019, con saída ás 5:30 da tarde dende a Rotonda do Montesol, con percorrido polo centro da vila e remate no Pavillón Municipal. Haberá obradoiros, inflables, e entrega de agasallos aos máis pequenos.

Ler Máis
18 Dec
0

Anuncio composición bolsa de emprego auxiliar administrativo derivada do proceso selectivo expediente 366/2018

Prema no enlace para descargar o arquivo:

Anuncio_publicación_bolsa_emprego

Ler Máis
15 Dec
0

6ª Carreira do Pavo nas Neves o 24 de decembro

Presentouse no Concello a sexta edición desta carreira solidaria

A Asociación Cultural e Deportiva Sanomedio e o Concello das Neves presentaron na tarde deste venres a sexta edición da carreira popular e solidaria do Pavo nas Neves. O vindeiro 24 de decembro na tarde previa a noiteboa pequenos e maiores disputarán esta proba deportiva polas rúas das Neves.

Esta carreira xunta a parte competitiva, a familiar ou veciñal e a solidaría. Hai participantes que compiten por gañar a proba, outros participan de xeito festivo e todos o fan de xeito solidario, porque cada corredor ou corredora debe entregar alomenos un quilo de alimentos non perecedeiro que será donado a servizos sociais do concello nevés.

Na presentación, amáis de membros do clube ACD Sanomedio, o Alcalde das Neves, Xose Manuel Rodríguez Méndez e o Segundo Tenente de Alcalde e Concelleiro de Deportes, Oscar González, estiveron corredores e colaboradores locais como Ana Isabel Domínguez e o corredor e colaborador Bernardo Durán.

Ler Máis
11 Dec
0

Reunións informativas e de entrega de composteiros no sur ou suroeste do Concello

Nos próximos días o Concello das Neves xunto con técnicas/os do Plan Revitaliza e da Asociación Ecolóxista Adega continuará coas reunións para a posta en marcha do plan de compostaxe. A charla é formativa e nela entreganse diferentes documentos, o composteiro e tamén ferramentas.

O xoves 29 de novembro as 18hs na escola da Estación, o mércores 5 de decembro na Escola de Liñares as 18hs e seguirán outras.

O Alcalde, Xose Manuel Rodríguez e o Concelleiro de Medio Ambiente, Oscar González participarán nas reunións.

Fotos Estación:

Fotos Liñares:

Fotos de Tortoreos zona 1:

 

Ler Máis
09 Dec
0

I Trial no Concello das Neves

I Trial no Concello das Neves
Os días 8 e 9 de novembro na zona do Coto do Facho
Máis información en:
http://www.fgmoto.net/es/probas/2018/campionato-galego-de-trial—as-neves
Fotos:

Ler Máis
05 Dec
0

Contratación temporal dun/dunha traballador/a social para o Concello das Neves

O Concello das Neves convoca unha praza temporal, o obxecto desta convocatoria é a provisión con carácter temporal mentres dure a baixa laboral da titular,…., dun posto de Traballador/a Social.

As Bases da convocatoria son:

Bases disociadas da convocatoria dun posto de Traballador_a Social para o Concello das Neves

Resultado da selección para o posto de Traballador-a Social

Ler Máis