Blog

25 Mai
0

Informe da Comisión de Seguimento da Covid-19 do día 25/5/2020

Seguimos cun só caso rexistrado de COVID-19 nas Neves.

Fíxose unha compra de mascarillas cirúrxicas para uso do persoal do Concello.

Así mesmo, levouse a cabo a reposición de mascarillas hixiénicas do modelo adulto e infantil nos establecementos das Neves.

O Banco de Alimentos segue recibindo doazóns. Grazas a todas as persoas que están a colaborar.

Lembramos que dende este luns, tanto a Casa do Concello como Servizos Sociais, volven ofrecer o servizo de atención presencial en horario de 9:00 a 14:00 h. Realízase cumprindo coas medidas sanitarias requiridas e só con cita previa.

A cita pode solicitarse telefonicamente:
Casa do Concello: 986 64 80 38
Servizos Sociais: 986 66 71 34 / 689 98 42 10
Ou a través da Sede Electrónica do Concello:   
https://concelloasneves.sedelectronica.gal

Ler Máis
23 Mai
0

Medidas que entran en vigor o luns, día 25 de maio, na ‘fase 2’ da ‘desescalada’

O Goberno do Estado vén de aprobar a entrada de Galicia na ‘fase 2’ da ‘desescalada’ nas medidas de limitación da mobilidade decretadas pola pandemia do Covid-19.

Este é un resumo dos  principais cambios que se aplicarán a partir do luns.

1. Están permitidas as reunións de ata 15 persoas, mantendo sempre as distancias de seguridade.
2. Segue a mobilidade dentro da mesma provincia.
3. Apertura de locais comercias sen poder exceder o 40% do aforo.
4. Hostalaría: Poderán abrir as terrazas (50% aforo) e tamén se poderá atender no espazo interior dos locais (40% aforo), non podendo facer uso da barra.
5. Apertura de hoteis e aloxamentos turísticos, incluídos os espazos de uso común.
6. Asistencia a lugares de culto, ata un máximo do 50% do aforo.
7. Velorios e enterros: Poderán xuntarse ata 15 persoas nos lugares pechados e 55 nos abertos.
8. Mercados ao aire libre: Amplíase o número de postos ata o 33% do aforo.
9. Actos culturais: Permítense actos deste tipo cun máximo de 50 persoas en lugares pechados e 400 ao aire libre. Non excedendo nunca o 33% do aforo do espazo empregado.
10. Permítese a realización de deporte en instalacións pechadas, seguindo unha serie de normas de seguridade e hixiene.
11. Poderán oficiarse vodas cun máximo de 50 persoas nos lugares pechados e 100 nos abertos, non excedendo nunca o 50% do aforo do espazo.

Todas as medidas están recollidas no Boletín Oficial do Estado (BOE), do día 16 de maio, que podes consultar premendo aquí.

Tamén podes consultar a Guía do Ministerio de Sanidade, actualizada o 17 de maio: https://bit.ly/3gjSGMe.

Ler Máis
23 Mai
0

Aberto o prazo de matriculación na Escola Infantil ‘A Galiña Azul’ das Neves

A escola infantil ‘A Galiña Azul’ das Neves terá aberto ata o venres, 29 de maio, o prazo de matrícula para o vindeiro curso.

A presentación das solicitudes realizarase preferentemente de maneira telemática a través dos formularios dispoñibles na web https://sede.xunta.gal.

No caso de renovación de praza, o código do procedemento é BS402F, mentres que para novos ingresos é o BS402A.

Para realizar a matriculación de forma presencial, é necesario solicitar cita previa de 10:00 a 14:00 h no teléfono 986 64 84 27.

Toda a información relativa ao procedemento para a solicitude de matriculación, no artigo 8 do DOG Núm. 94 do Venres, 15 de maio de 2020, que podes consultar premendo aquí.

Ler Máis
22 Mai
0

Informe da Comisión de Seguimento da Covid-19 do día 22/5/2020

Sanidade confirma que As Neves segue cun so caso de Covid-19 rexistrado.

O Concello completou a reposición de mascarillas hixiénicas reutilizables, tanto do modelo infantil como do adulto, en diversos establecementos da vila.

Tamén colabora coa Asociación Avelaíña, con 6 pantallas e 6 batas de protección, para o reinicio da actividade na súas sedes. Avelaíña e o Concello teñen asinado un convenio para realizar o servizo de seguimento telefónico a persoas maiores que viven soas, despois de que a declaración do ‘Estado de Alarma’ paralizase os obradoiros sociocomunitarios.

Rematamos coa preparación do espazo que vai ocupar o Servizo de Atención Temperá, dentro do edificio de Servizos Sociais, na volta á actividade a partir do vindeiro luns, día 25 de maio.

Ler Máis
21 Mai
0

Informe da Comisión de Seguimento da Covid-19 do día 21/5/2020

Seguimos cun só caso rexistrado de COVID-19 nas Neves.

O Concello vén de realizar unha nova compra de mascarillas hixiénicas reutilizables (modelo adulto e infantil) para repoñer nos establecementos aos que a veciñanza pode acudir para recollelas.

Na vindeira semana reiniciarase o servizo de atención temperá, previa cita, nas dependencias de Servizos Sociais.

Realizadas melloras no Mercado municipal para adecualo ás medidas de seguridade e hixiene actuais.

Acometidas, tamén, tarefas de mantemento do Centro de Día.

Ler Máis
20 Mai
0

Informe da Comisión de Seguimento da Covid-19 do día 20/5/2020

As Neves continúa cun só caso rexistrado de Covid-19.

Unha xornada máis, fíxose entrega de comestíbeis a familias usuarias Banco de Alimentos.

Avance na comunicación da campaña de promoción e dinamización do comercio local. Moi boa acollida entre todos os establecementos que estiveron abertos durante todo o estado de alarma

Ler Máis
20 Mai
0

O Concello Informa: dende este xoves é obrigatorio o uso de mascarilla

 
Este mércores, o Boletín Oficial do Estado (BOE)-que podes consultar premendo aquí– publica a orde que regula o uso obrigatorio de mascarilla.
 
Esta obriga entra en vigor este vindeiro xoves, día 21 de maio de 2020 e seguirá mentres dure o’Estado de Alarma’ e as súas prórrogas.
 
Que tipo de mascarilla temos que levar?
É apta calquera tipo de mascarilla, preferentemente hixiénica e cirúrxica, cubrindo o nariz e a boca.
 
Quen debe levala?
Están obrigados a usar mascarillas nos espazos indicados todas as persoas de 6 ou máis anos de idade.
 
Esta obriga non será aplicable a:
a) Persoas que presentan algún tipo de dificultade respiratoria que se pode ver agravada co uso dunha máscara.
b) Persoas nas que o uso dunha mascarilla está contraindicado por razóns de saúde debidamente xustificada, ou por razón da súa discapacidade ou dependencia presentar cambios de comportamento que fan inviable o seu uso.
c) Desenvolvemento de actividades nas que, pola súa propia natureza, resulte  incompatible o uso da máscarilla.
d) Causa de forza maior ou situación de necesidade.
 
Onde debe usarse a máscara?
O uso dunha máscara será obrigatorio nas vías públicas, nos espazos exteriores e nas zonas exteriores calquera espazo pechado para uso público ou que estea aberto ao público, sempre que non é posible manter unha distancia de seguridade interpersoal como mínimo de 2 metros.
 

Ler Máis
19 Mai
0

Informe da Comisión de Seguimento da Covid-19 do día 19/5/2020

Un día máis, o Servizo Galego de Saúde indica que As Neves ten rexistrado un único caso de Covid-9 dende que se declarara a pandemia.

Este martes fixemos entrega de comestíbeis ás familias usuarias do Banco de Alimentos.

Hoxe, tamén, o Concello realizou a reposición de mascarillas hixiénicas (modelo adulto e infantil) e tamén cirúrxicas, nos establecementos abertos ao público. 

Iniciamos unha campaña de promoción e dinamización do comercio local.

Ler Máis
19 Mai
0

Comeza o cambio do céspede do campo ‘Pepe Capón’

O Concello comezou este venres pasado, día 15 de maio, os traballos de substitución do céspede do campo de fútbol ‘Pepe Capón’, que estaba seriamente danado debido ao incendio de 2017.

O cambio dos 6.842 metros cadrados da actual herba artificial por céspede coa certificación FIFA Quality Pro, foi adxudicada á empresa Mondo Ibérica por un orzamento de 126.868,50 €, que se financiarán coa axuda para bens públicos danados polo incendio de 2017 achegada polo Ministerio de Política Territorial e Función Pública (49%), a aseguradora MAPFRE (23%) e Fondos do Plan Concellos da Deputación (28%).



Óscar González, segundo tenente de alcalde e concelleiro de Deportes, indica que as obras terán unha duración mínima de tres semanas, que pode variar en función da climatoloxía; pois a chuvia dificulta estes traballos.

Ler Máis
18 Mai
0

Informe da Comisión de Seguimento da Covid-19 do día 18/5/2020

Sanidade confirma que As Neves segue cun só caso rexistrado de Covid-19 .

O Concello vén de achegar material de protección (batas, luvas, mascarillas cirúrxicas e pantallas) na escola infantil ‘A Galiña Azul’, que  abriu o seu prazo de matrícula este luns.

Levamos a cabo a recollida de alimentos da Fundación Amigos de Galicia.

Fíxose a entrega de alimentos nos domicilios das familias usuarias do Banco de Alimentos, que segue a recibir doazóns. O Concello expresa, unha vez máis, o seu agradecemento a todas e cada unha das persoas que colaboran.

Este luns tamén se levaron mascarillas de tipo adulto e infantil no Centro Social de Santa Eulalia de Batalláns.

Ler Máis