Blog

20 Abr
0

As Neves dinamizará a vida de persoas maiores que viven soas no rural

A entidade financeira destina 20.000 euros a este proxecto, que chegará a 13 parroquias
O alcalde das Neves, Xosé Rodríguez Méndez, e o xefe de zona de CaixaBank, Igor das Heras, asinaron onte o convenio de colaboración polo cal a Obra Social “La Caixa” colabora, con 20.000 euros, nun proxecto de Atención Sociocomunitaria para a dinamización de persoas maiores que viven soas no rural, e que sufriron, nalgúns casos, a perda de pertenzas no incendio de outubro.
Segundo explicou o alcalde das Neves, é un proxecto que chegará ás 13 parroquias do municipio, e cuxo programa de intervencións ultima o departamento de servizos sociais.
Trátase de programar actividades que poidan sosterse no tempo, mesmo cando xa non exista financiamento para as mesmas, e que incida na interrelación entre persoas maiores que non estean acompañados. “Serán actividades de dinamización que buscan unir ás persoas, cuxa situación de soidade, adquire maior desolación tras o gran incendio de outubro”, explica o alcalde.
O Concello realizou un censo de persoas en situación de vulnerabilidade por vivir soas e ser maiores “e vimos a conveniencia de que é necesario que se volvan a crear vínculos entre elas”, sinalou o rexedor.
Este proxecto de Atención Sociocomunitaria é, sobre todo, unha resposta para os efectos psico-sociais provocados pola vaga de incendios do mes de outubro e encaixa nas liñas de actuación da Obra Social “La Caixa”, tal e como explicou Igor das Heras. O xefe de zona lembrou que a entidade se comprometeu en outubro a axudar aos concellos máis devastados polos lumes e incidiu no compromiso social e na proximidade co territorio.
Tralos incendios, As Neves procurou articular desde o primeiro momento unha resposta sociocomunitaria que se enfrontase eficazmente ás consecuencias dos lumes. Á vez que os propios servizos sociais, xogou un papel determinante a organización de grupos de voluntariado que progresivamente foron asumindo tarefas de primeira necesidade (información, abastecemento de auga potable e repartición de alimentos para animais, entre outros). “A súa actuación foi igualmente determinante no apoio emocional das persoas máis afectadas, aproveitando as visitas de distribución de auga para acompañar e compartir a dor de xente que sufriu a perda das súas pertenzas”, explicou o alcalde.
O novo programa é unha continuidade ás tarefas de emerxencia realizadas nos primeiros momentos. O rexedor das Neves, Rodríguez Méndez, agradeceu o importante apoio da Obra Social “A Caixa” para poder desenvolver esta iniciativa.

Ler Máis
17 Abr
0

Cúmprense 6 meses dende os lumes

Cando se cumpren 6 meses dos lumes sufridos nas Neves no pasado mes de outubro, e segundo o anunciado, cumprimos co compromiso de informar da Conta As Neves -Zona Cero, destinada a recoller achegas de particulares e empresas para contribuir a enfrontar os danos causados polos lumes.
O destino destes fondos é sempre supervisado pola área de Benestar Social do goberno municipal,
priorizando a atención directa aos afectados.
O outro principal destino destes recursos é o proxecto “O monte nace na escola “, que nestes días imos comenzar a presentar en todos os centros escolares do concello, para tratar de involucrar así a toda a comunidade educativa. Estamos convencidos de que outro monte é posible, e de que é na escola onde  este cambio ten que comezar.

Aproveitamos a ocasión para agradecer as doazóns tanto de particulares como de empresas e colectivos que seguides achegando a esta conta. Facemos mención por tanto ás empresas e colectivos que dunha maneira ou outra (achegass económicas, doazóns de auga, prantas, abono…, etc) nos prestaron a súa  axuda dende a última presentación de contas.
Grazas por tanto a:
DARLIM
El RINCÓN DE ALMUDENA
VIGOEMPLEO
GRUPO DE TEATRO DE PONTE CANEIRO
TORNEO SOLIDARIO ARBO
FESTIVAL SOLIDARIO CÁRITAS-TABOEXA
SECURITAS DIRECT
A.C PONTENOVA
ELECTRICIDADE CONDADO
ECOCELTA
COLECTIVO A REVOLTA.

e, por suposto, grazas tamén a todas as persoas que de forma individual nos fan chegar a sua doazón.

Ler Máis
12 Abr
0

I Xornadas – Abril de Historia nas Neves

3 xornadas de historia no IES Pazo da Mercé

Entrada de balde e aberta ao público

Fotografías dos actos

Acto sobre Porto Maior con Eduardo Méndez

 

 

 

Ler Máis
11 Abr
0

As Neves sementando Vida

Nos últimos días que ainda son propicios para a plantación desenroláronse diversas accións

A 3ª Andaina do Condado repartiu sementes entre as participantes para que fosen deixadas polos lugares de paso. Sementes que foron doadas ao Clube Cornelios pola Rexión de Murcía.

A obra social de Abanca coa colaboración das Comunidades de Montes de San Xosé de Ribarteme e Taboexa, o grupo de voluntariado e o Concello das Neves realizou a plantación chamada “Para que as nosas árbores volvan estar onde teñen que estar”. A xornada de plantación do sábado 7 de abril foi na área recreativa e panorámica do monte San Nomedio.

Tamén dentro do proxecto o Monte nace na Escola despois de haber plantado coas crianzas do ceip e as unitarias na Chan de Vide, agora é no instituto onde coa sempre agradecida axuda do voluntariado se procedeu a plantar as árbores doadas pola empresa Darlim.

O Alcalde das Neves, Xose Manuel Rodríguez Méndez, recorda a traxedia, a solidariedade e agora o impulsos de partir de cero, de renacer, de semantar vida. “Traballamos para nós pero sobre todo para as xeracións futuras”.

Ler Máis
10 Abr
0

Xuntanza pola nova ordenanza de subvencións

Hoxe reuníronse o alcalde das Neves, Xosé Manuel Rodriguez Méndez e o concelleiro de Benestar, Óscar Gónzalez Álvarez coas Anpas, Asociacións Culturais e Deportivas para traballar na axilización das tramitacións de subvencións coa nova ordenanza.

Grazas a tod@s por axudar a dinamizar o noso Concello.

Ler Máis
05 Abr
0

Teatro “A Lola” de Avelaíña Teatro

Ler Máis
04 Abr
0

Primavera de música

Concertos da banda infantil e xuvenil de Rubiós e Josep Pou Jazz Quintet
Sábado 7 de abril as 20hs no auditorio, a entrada é de balde.

Ler Máis
03 Abr
0

Plantación de árbores en San Nomedio

Grazas a obra social de Abanca e colaboración coas Comunidades de Montes de San Xosé de Ribarteme e Taboexa, o grupo de voluntariado e o Concello das Neves realizarase a plantación chamada “Para que as nosas árbores volvan estar onde teñen que estar”

A xornada de plantación será o vindeiro sábado 7 de abril de 10 a 14 horas. Calquera persoa que queira participar debe enviar nome e apelidos e dni a rsc@abanca.com.

Ler Máis
03 Abr
0

3ª Andaina do Condado

Puntuable para a Copa Galega de Andainas de 50 quilómetros.

Sábado 7 de abril con saída as 9 horas

Tramos de 16, 32 e 50 quilómetros

As persoas participantes soltarán sementes de árbores polos lugares que transcurran.

Ler Máis
26 Mar
0

Colaboración entre Concellos para o tratamento do lixo

Os Concellos de Salceda de Caselas e As Neves colaboran compartindo temporalmente un camión do lixo.

Salcela presta un camión a As Neves para poder continuar coa recollida do lixo ao non estar dispoñible o das Neves.

Este é un exemplo de xestión para a eficiencia dos recursos públicos.

Ler Máis