Blog

01 Nov
0

Cata Solidaria As Neves Zona Cero

O vindeiro día 05 de Novembro, cata solidaria a prol dos afectados pola vaga de lumes en As Neves. O diñeiro recaudado irá íntegramente á conta “As Neves zona cero” avalada polo Concello das Neves para canalizar oficialmente as achegas económicas para axudar os damnificados nesta castástrofe.

Data: domingo 5 de novembro
Hora: 12:00
Lugar: Adega Señorío de Rubiós (Bouza do Rato s/n – Rubiós, As Neves)

Durante o evento cataranse varios viños brancos (albariño e condado blanco), tintos (a colección Manuel d´Amaro Espadeiro, Caiño tinto, Sousón e Pedral) e espumosos da adega, acompañados dunha degustación de productos da zona.

Para poder acudir á cata solidaria é preciso:

– Reservar praza nos números de teléfono: 654 960 109 ou 680 918 122. Ou tamén no correo electrónico: info@srubios.com

– Ingresar 15 € por persoa no número de conta “As Neves zona 0” IBAN: ES92 2080 5434 0830 4011 4499 (Abanca)

– O aforo é limitado polo que agradecemos que reservedes con antelación.

Gracias pola vosa colaboración e solidaridade!

Ler Máis
01 Nov
0

Fútbol Solidario As Neves Zona Cero

Domingo e mércores celebráronse sendo encontros de liga onde a taquilla foi doada aos afectados polos lumes das Neves.

Ler Máis
31 Out
0

Festa de Samaín “Solidario”

Sábado día 4, a partir das 17:00 na Praza Maior

Ata as 21:00, festa para os nenos, e a partir das 21:30, para toda a familia..
Conta cun día e noite longos…….
CONTAMOS CON TODOS
PINTACARAS
CASTAÑAS ASADAS
AGASALLOS PARA OS QUE VEÑAN DISFRAZADOS

E ADEMÁIS….
RIFA SOLIDARIA PARA RECAUDAR FONDOS PARA A CATASTROFE DOS INCENDIOS
MOITOS COLABORADORES SOLIDARIOS
BAILE MODERNO CON LORENA
ACTUARÁN DISTINTOS GRUPOS MUSICAIS:
• Os Folieiros
• Ronco&Folk
• Pédëpôté
• Banda de Mazinger
• Grupo Carballo Da Armada
E moitas sorpresas máis …

Ler Máis
25 Out
0

As Neves Zona Cero

As administracións responsables Xunta e Estado ainda non fixeron nada por As Neves, nin o día do incendio nin a semana e media posterior.
 
As Neves e súa veciñanza creou un GRUPO DE VOLUNTARIADO espectacular que visita a casa a casa para coñecer as incidencias, apoiar as persoas, repartir auga embotellada, levar comida a animais domésticos e salvaxes. Recóllense e centralizanse os datos. Xestiónanse os problemas de perigos de derrube, a retirada da uralitas, os animais mortos….
 
Son os PARTICULARES E EMPRESAS das Neves e doutros moitos lugares os únicos que, ademáis dos voluntarios, colaboran aportando auga, comida para animais, instalacións, vehículos para o transporte, pisos de aluguer, servizos técnicos e ata diñeiro nunha conta.
 
UNHA NENA DONOU HOXE O SEU REGALO DE CUMPREANOS, cos cartos que lle deron comprou comida para os animais.
 
Moitas grazas pola solidariedade con As Neves.

Ler Máis
21 Out
0

As Neves Zona Cero – Voluntariado

Para OFERTAS DE APOIO E AXUDAS chamar exclusivamente aos teléfonos 689984210 / 609782868 / 636776900

Prégase atender exclusivamente as necesidades e demandas de axuda publicadas no facebook oficial do Concello das Neves ou indicadas dende estes números de teléfono.

Moitas grazas pola vosa solidaridade.

Ler Máis
21 Out
0

As Neves Zona Cero

Os lumes invadiron o 90% do noso Concello

 

O máis grande agradecemento a toda a veciñanza polo esforzo e a loita por salvar o seu territorio, as pertenzas e as persoas.

Ler Máis
12 Out
0

As Neves sinaliza o seu patrimonio e comezará a sinalización dos barrios

Propietarios forestais franceses vistaron a zona afectada pola praga do piñeiro e puideron visitar a zona dos petroglifos recen adecentada e sinalizada

O Concello das Neves levou a cabo a limpeza e sinalización dalgún do seu patrimonio histórico grazas a unha subvención da área de patrimonio da Deputación de Pontevedra.

Procedeuse a limpeza dos petróglifos de Coto Ribado e da Cabreira en Taboexa e Ponte da Senra en Santiago de Ribarteme. Nestes lugares o Concello, ademais da limpeza da zona, efectuou a sinalización mediante paneis informativos destes elementos históricos que, según Oscar González, Concelleiro de Benestar e responsable de Patrimonio, “debemos de protexer, cuidar e trasmitir o seu valor as xeracións futuras; ademais de ser lugares cun potencial atractivo turístico”.

Na zona de Taboexa, propietarios forestais franceses, técnicos da Asociación Forestal de Galicia e da Escola de Lourizán visitaron a zona afectada pola praga do piñeiro para coñecer a experiencia negativa desta praga e ao mesmo tempo desfrutaron do patrimonio rupestre.

Nas vindeiras semanas o Concello das Neves comezará a sinalización dos barrios e parroquias, cumplindo así cunha demanda da veciñanza de todo o territorio municipal.

Ler Máis
12 Out
0

MisturArte

Sábado 14 de outubro, diversas actividades nas Neves

Concerto de Corais

II Xornada de Cultura Urbana

Exposición da Memoria Histórica das Neves

Ler Máis
10 Out
0

Outono Cultural – 125 aniversario – Banda de Música de Rubiós

Ler Máis
09 Out
0

As Neves pon en marcha un ambicioso proxecto de recuperación da memoria local

A exposición achégase as parroquias
Comprobe os días no final do artigo
Recíbese o legado do fotógrafo local Alejandro Alonso Estévez
 
O Concello das Neves vén de iniciar un ambicioso proxecto de recuperación da memoria local, logo de recibir o legado do fotógrafo Alejandro Alonso Estévez composto por máis de 3.000 negativos, en 35 mm, que recolle imaxes de habitantes do concello e da contorna dende os anos 60 do pasado século XX.
A maior parte dos negativos corresponden a fotografías de carné de centos de veciños e veciñas, aínda que tamén se inclúen numerosas fotos de estudo e de distintas celebracións e lugares do Concello das Neves.
A doazón deste arquivo gráfico, realizada por Manuel Tiago Seoane, foi aceptada de inmediato polo Concello das Neves, adquirindo o compromiso non só da súa conservación, senón tamén da súa difusión.
Identificación das fotografías
Para conseguir unha difusión axeitada deste legado, o primeiro paso será o proceso de identificación das fotografías “para o que é imprescindible a colaboración veciñal”, aseguran dende o Concello.
Así, dende o luns, 11 de setembro, o Concello habilita unha sala no baixo do Centro Social de luns a venres de 11 a 13 horas, para que veciñas e veciños, poidan ver as fotografías que xa están dixitalizadas, e aportar datos sobre as persoas que aparecen nas distintas fotos ou en que lugar foron tomadas.
Amais de conseguir a correcta datación de todo o arquivo, a identificación permitirá obter o permiso das persoas que aparecen, “de tal xeito que as fotografías poidan ser utilizadas en exposición e actos de difusión da memoria gráfica local das Neves respectando, de xeito escrupuloso, a Ley de Protección de Datos”.
Dar a coñecer o pasado aos máis novos
Unha vez recibido o legado de Alejandro Alonso Estévez, Fotografo, Barbeiro e “practicante”, o Concello das Neves solicitou unha subvención á Dirección Xeral de Xuventude grazas á que, o arquivo, será exposto publicamente nos formatos que os máis novos decidan. Pantallas instaladas na Casa da Xuventude de 18 a 20 horas permitirán que, mozas e mozospoidan examinar as fotos polo miúdo e poidan, se así o desexan, ofrecer as súas propias propostas artísticas sobre as fotografías.
Ditas propostas, que terán que ser presentadas antes do 7 de outubro, poderán incluir formatos como o graffiti, collage, mural, cartaze, tarxetas ou calquera proposta artística que mestura varios destes formatos. Os traballos seleccionados por unha comisión que se constituirá expresamente para este certame, serán expostos nunha mostra que terá lugar no mes de outubro.
Vocación de continuidade
Este será o primeiro ano no que o concello leve adiante unha labor de difusión do arquivo do fotógrafo Alejandro Alonso Estévez, “pero non será o último” sinala o Executivo local, xa que a iniciativa nace “cunha clara vocación de continuidade”.
A idea é que As Neves, “un concello que ten a sorte de contar no seu patrimonio histórico con grandes cineastas como José Gil e fotógrafos como Alejandro Alonso Estévez, entre outros, chegue a ser identificada como una vila na que a fotografía sempre estivo presente”, explica o alcalde Xosé Manuel Rodríguez Méndez.
Esta iniciativa, será a primeira e marcará o punto de partida “para a celebración anual dun evento relacionado coa fotografía e a memoria gráfica local”. Trátase, conclúe o rexedor local, “de continuar coa liña marcada de colocar As Neves no mapa e convertelo non só nun referente enolóxico e gastronómico, senón tamén cultural”.
A exposición das fotografias nas parroquias

Ler Máis