Blog

13 Xuñ
0

Informe da Comisión de Seguimento da Covid-19 do día 12/6/2020

Seguimos cun só caso rexistrado de COVID-19 no concello.

O Concello adquiriu 5 dispensadores de hidroxel que se colocarán nas  entradas do Mercado Municipal, na Casa do Concello e en Servizos Sociais.

Realizada unha revisión dos locais onde se reunen os grupos do proxecto sociocomunitario “Compartir e vivir” e onde se imparten os cursos de alfabetización e de búsqueda de emprego, para axeitar os espazos e dotalos das medidas hixiénicas axeitadas á actual situación. Estes traballos lévanse a cabo para poder reanudar as actividades na semana do 25 deste mes. Os locais revisados foron a Biblioteca Municipal, o baixo de Servizos Sociais e as escolas de Liñares, San Cibrán e Setados.

Realizado un encargo de mascarillas hixiénicas para uso do persoal municipal.

O luns 15 de xuño comeza o prazo de inscrición nos campamentos de verán que se desenvolverán nos meses de xullo e agosto, destinados a nenas e nenos empadroados nas Neves con idades comprendidas entre os 4 e os 12 anos. A inscrición poderase facer ao longo de toda a semana no baixo de Servizos Sociais de 10:00 a 13:00 h. Non é preciso solicitar cita previa.

Ler Máis
12 Xuñ
0

O novo céspede do campo municipal de fútbol ‘Pepe Capón’ terá o selo FIFA Quality Pro

Técnicos do Instituto de Biomecánica de Valencia (IBV), veñen de realizar as probas no novo céspede do Campo Municipal de Fútbol ‘Pepe Capón’ para entregarlle o selo de certificación FIFA Quality Pro.

O alcalde, Xosé Manuel Rodríguez Méndez, o concelleiro de Deportes, Óscar González, o presidente do Nieves F.C., Salvador Pérez,  e o coordinador de categorías José Manuel Alves ‘Pozas’, visitaron o campo, comprobaron o estado do céspede e recibiron información do especialistas que levaron a acabo as probas.



Estas probas, como indicou o concelleiro de Deportes, determinan estado do terreo de xogo, a súa situación, o bote e desprazamento do balón, o drenaxe, durabilidade e resistencia, agarre do céspede é “especialmente, a súa adecuación para a prevención de lesións das xogadoras e xogadores que van a utilizalo”.



200 xogadoras e xogadores

Óscar González lembrou que son máis de 200 deportistas, de todas as categorías, dende alevíns ata os recen ascendidos integrantes do primeiro equipo, os que adestrarán e disputarán distintas competicións en este novo céspede. Precisamente, reiterou, “tanto o cambio do céspede coma os traballos de control e certificación da súa calidade están enteiramente orientados a garantir que todos eles podan xogar coa meirande seguridade, sexan cales sexan as condicións ambientais e climáticas”.



Preto de 127.000€ de orzamento

O cambio dos 6.842 metros cadrados da herba artificial do campo municipal, “que tiña danos moi considerábeis por 14 anos ininterrompidos de uso e por mor dos lumes de hai tres anos”, contou cun orzamento de 126.868,50 €, que se financiaron coa axuda para bens públicos danados polo incendio de 2017, achegada polo Ministerio de Política Territorial e Función Pública (49%), a aseguradora MAPFRE (23%) e Fondos do Plan Concellos da Deputación (28%).

Ler Máis
11 Xuñ
0

Informe da Comisión de Seguimento da Covid-19 do día 11/6/2020

O Servizo Galego de Saúde (SERGAS) sinala que As Neves segue cun só caso rexistrado de COVID-19.

Agradecemento a Maite Isla

Este xoves, o alcalde, Xosé Manuel Rodríguez Méndez, e a Concelleira de Benestar, Pilar González Casas, visitaron o taller de Maite Isla, en Ponteareas, para amosarlle o agradecemento polo seu labor na iniciativa solidaria de confección de mascarillas e material de protección para persoal sanitario, durante a crise da COVID-19.

Apertura de pasos da fronteira con Portugal

A Delegación do Goberno en Galicia vén de informar de que a partir do luns día 15, abrirán a circulación os pasos que comunican Salvaterra de Miño con Monção, Tomiño con Vilanova de Cerveira, e Arbo con Melgaço. Será de luns a venres en horario de 8:00 a 22:00 h.

Selección e contratación de persoal

Despois da reanudación dos procesos de selección de persoal, paralizados polo ‘Estado de Alarma’, resolveuse a contratación de 11 persoas ao abeiro do ‘Plan Concellos 2020’ e, hoxe mesmo, abriuse a convocatoria para contratar unha persoa para o posto de peón forestal que será financiado mediante ‘Aprol Rural’.

Ler Máis
11 Xuñ
0

Contratación de 11 persoas mediante o Plan Concellos 2020

Selección de fontaneiros/as:

Resultado da selección de fontaneiros

A situación sobrevida xerada pola crise do Coronavirus alterou os prazos desta selección de persoal que se contiñan nas Bases. Logo de enviarse a oferta de emprego ao SEPE, as persoas seleccionadas por este, serán citadas previamente para a entrega de documentación e nese momento daráselle cita para a posible entrevista/proba.


Resultados:

RESULTADOS DA SELECCIÓN

Anuncio entrevista/proba:

Publicación data e horario entrevistas ou proba práctica selección postos de traballo PLAN CONCELLOS 2020

Bases:

BASES DE SELECCIÓN POSTOS DE TRABALLO PLAN CONCELLOS 2020

DECRETO DE ENMENDA

ANEXO I

ANEXO II

ANEXO III

Ler Máis
10 Xuñ
0

Informe da Comisión de Seguimento da Covid-19 do día 10/6/2020

Sanidade confirma que As Neves segue cun só caso rexistrado de COVID-19.

Despois do aprazamento do cobro de impostos motivado polo decreto de ‘Estado de Alarma’, e restablecidos os prazos administrativos, informamos dos novos períodos para o pago voluntario dos tributos e prezos públicos municipais, cun novo calendario de cobro de xuño a decembro do exercicio 2020.
• O ingreso poderá realizarse a través da Oficina Virtual Tributaria da Deputación Pontevedra – ORAL ou a través das entidades bancarias colaboradoras.
• Os documentos de ingreso dos recibos non domiciliados enviaranse por correo postal ao domicilio.
Toda a información sobre os prazos e as normas para o pago dos impostos e os prezos públicos municipais aquí: https://bit.ly/37gb2cM

Ler Máis
09 Xuñ
0

Informe da Comisión de Seguimento da Covid-19 do día 9/6/2020


Seguimos cun só caso rexistrado de COVID-19 nas Neves.

Na vindeira semana retomaranse as actividades do curso de busca de emprego, o taller de alfabetización e os grupos sociocomunitarios de As Neves, Liñares, San Cibrán e Setados, despois da parada obrigada a causa da COVID-19.

A partires do vindeiro luns 15 de xuño, poderase realizar a preinscrición nos campamentos de verán que se celebrarán nos meses de xullo e agosto.

Lembramos que, dende o luns 25 de maio, tanto a Casa do Concello como Servizos Sociais, volven ofrecer o servizo de atención presencial en horario de 9:00 a 14:00 h. Cumprindo coas medidas sanitarias requiridas e só con cita previa.

A cita pode solicitarse telefonicamente:
Casa do Concello: 986 64 80 38
Servizos Sociais: 986 66 71 34 / 689 98 42 10
Ou a través da Sede Electrónica do Concello:   
https://concelloasneves.sedelectronica.gal

Ler Máis
09 Xuñ
0

ANUNCIO LISTA PROVISIONAL DE ADMITIDOS/AS-EXCLUÍDOS/A PRAZA TEMPORAL DE AUXILIAR DE BIBLIOTECA

Descarga: Anuncio lista provisional

Ler Máis
08 Xuñ
0

Informe da Comisión de Seguimento da Covid-19 do día 8/6/2020

Nas Neves seguimos cun só caso rexistrado de COVID-19.

A monitora de ximnasia para maiores vén de informar sobre a decisión de aprazar ata setembro a volta ás clases, co obxecto de garantir a seguridade das persoas que asisten a esta actividade.

As piscinas públicas municipais non abrirán este verán para garantir a seguridade fronte á COVID-19. A decisión foi avaliada de xeito coordinado e consensuado con sete concellos da contorna do sur da provincia.

Ler Máis
06 Xuñ
0

Medidas que entran en vigor o luns, 8 de xuño, na ‘fase 3’ da ‘desescalada’

Os seguintes son os principais cambios que se aplicarán a partir do luns, día 8 de xuño, coa entrada na ‘fase 3’ da ‘desescalada’ nas medidas de limitación da mobilidade pola crise da Covid-19.

1. Permitida a realización de reunións/xuntanzas en grupos dun máximo de 20 persoas, agás no caso de persoas que convivan na mesma vivenda.

2. Apertura de locais comercias sen poder exceder o 50% do aforo. Con horario de atención con prioritaria para maiores de 65 anos.

3. Hostalaría e restauración: poderase servir na terraza, co 75% aforo (ata 20 persoas) e no interior do local cun máximo do 50% aforo. Tamén se poderá empregar a barra garantindo, en todo caso, o cumprimento da distancia interpersoal de seguridade de 2 metros.

4. Apertura de hoteis e aloxamentos turísticos, incluídos os espazos de uso común. Aforo máximo do 50%.

5. Asistencia a lugares de culto, ata un máximo do 75% do aforo. Manterase a distancia de seguridade e, en todo caso, un máximo de 150 persoas en espazos ao aire libre ou de 75 persoas en espazos pechados. O aforo máximo debe publicarse nun lugar visible do espazo destinado ao culto.

6. Velorios e enterros: poderán xuntarse ata 25 persoas nos lugares pechados e 50 nos abertos.

7. Mercados ao aire libre: amplíase o número de postos ata o 50% do aforo.

8. Actos culturais: permítense actos deste tipo cun máximo de 80 persoas en lugares pechados e 800 ao aire libre. Non excedendo nunca o 50% do aforo do espazo empregado en co público sentado en butacas previamente asignadas.

9. Permítese a realización de deporte en instalacións pechadas, non superando o 50% do aforo, en pequenos grupos dun máximo de 20 deportistas, mantendo as distancias de seguridade e evitando o contacto físico. Poderán utilizarse todas as instalacións que teñan á súa disposición
(incluídos os vestiarios e as zonas de duchas), cumprindo as medidas de hixiene establecidas polas autoridades sanitarias.

10. Poderán oficiarse vodas cun máximo de 75 persoas nos lugares pechados e 150 nos abertos, non excedendo nunca o 75% do aforo do espazo.

11. Congresos, encontros, reunións de negocio, conferencias e eventos: non se poderá superar a cifra de 80 asistentes.

12. Actividades de tempo libre infantil e xuvenil:
a. Ao aire libre, deberase limitar o número de participantes ao 50% da capacidade máxima habitual, cun máximo de 200 participantes, incluíndo monitores.
b. En espazos pechados, deberase limitar o número de participantes ao 33% da capacidade máxima habitual; cun máximo de 80 participantes, incluíndo monitores.

# Acceso á publicación no Boletín Oficial do Estado (SND/458/2020, de 30 de maio) no que se detallan todas as medidas: https://bit.ly/3h5TlkP
# Guía do Ministerio de Sanidade, do 31 de maio: https://bit.ly/2zZTlSG

Ler Máis
05 Xuñ
0

Informe da Comisión de Seguimento da Covid-19 do día 5/6/2020

O Servizo Galego de Saúde (SERGAS) indica que As Neves segue cun so caso rexistrado de Covid-19.

Vén de facerse unha nova reposición no Banco de Alimentos Municipal para poder seguir atendendo ás necesidades das veciñas e veciños das Neves.

Dende esta semana, toda a zona urbana é de prioridade peonil e a velocidade do tráfico rodado está limitada a 20 Km/h para permitir e facilitar o cumprimento da distancia interpersoal de seguridade.

Ler Máis