Blog

18 Dec
0

As Neves celebra, esta fin de semana, un atractivo “Mercado de Nadal”

A Praza de Abastos acolle unha actividade que busca ofrecer á veciñanza e aos visitantes, os produtos que fan das Neves un lugar de excelencia gastronómica

A Praza de Abastos das neves acollerá, o sábado 23 e o domingo 24 de decembro, o ‘Mercado de Nadal’, unha iniciativa que busca poñer ao alcance de veciñanza e visitantes, tanto produtos de artesanía coma aqueles que, como o viño o requeixo e o mel, constitúen un elemento identificador da excelencia gastronómica do municipio.

No ‘Mercado de Nadal’, que estará aberto ámbolos dous días, en horario ininterrompido de 12 h a 19 horas, participarán as adegas Señorío de Rubiós e Abadía de Tortoreos amais da cooperativa do Requeixo e o Mel.

O público visitante terá a ocasión de gozar da excelente gastronomía local xa que o mercado contará coa presenza de postos dos locais de hostalaría e tamén postos de artesanía.

A intención do Concello das Neves, coa posta en marcha deste ‘Mercado de Nadal’ é a posta en valor dos produtos que fan, do municipio, un referente gastronómico do sur da provincia. Non se pode esquecer que, se o requeixo, o mel e os viños, son elementos identificadores da excelencia gastronómica do municipio, os locais de hostalería amosa, ano tras ano nunha magnífica ‘ruta de pinchos’ a capacidade innovadora da gastronomía local e a calidade da materia prima local.

Para o alcalde das Neves, Xosé Manuel Rodríguez Méndez, o ‘Mercado de Nadal’ é unha ocasión extraordinaria para que “veciñanza e visitantes poidan coñecer a ampla oferta gastronómica das Neves”.

Ler Máis
14 Dec
0

1 xoguete = 1 masaxe e “Bar” de Outono de Teatro

Actividades este sábado 16 de decembro

Ler Máis
13 Dec
0

AS NEVES ZONA CERO O lume sigue deixando efectos secundarios coas riadas

Agora a través das fortes chuvias do domingo, provocáronse múltiples problemas sobre todo na parroquia de Santa Olaia de Batalláns deixando cortada a estrada no barrio de Trasdoval, onde para recuperar o tráfico hai que repoñer as tubaxes, muros de contención e a propia estrada.

Moitos danos tamén en San Pedro, Taboexa, Cerdeira e San Xosé sobre todo.

Neste momento mantense cortada unha estrada a que une a zona da Igrexa e Centro Social de Santa Olaia de Batalláns coa PO402 en dirección Uma.

 

Algún dos traballos de limpeza o propio domingo de madrugada,

Ler Máis
02 Dec
0

V Carreira do Pavo nas Neves o 24 de decembro

Presentouse no Concello a 5ª edición desta carreira solidaria

A Asociación Cultural e Deportiva Sanomedio e o Concello das Neves presentaron na mañá deste sábado a 5ª edición da carreira popular e solidaria do Pavo nas Neves. O vindeiro 24 de decembro na tarde previa a noiteboa pequenos e maiores disputarán esta proba deportiva polas rúas das Neves.

Esta carreira xunta a parte competitiva, a familiar ou veciñal e a solidaría. Hai participantes que compiten por gañar a proba, outros participan de xeito festivo e todos o fan de xeito solidario, porque cada corredor ou corredora debe entregar alomenos un quilo de alimentos non perecedeiro que será donado a servizos sociais do concello nevés.

Na presentación, amáis de membros do clube ACD Sanomedio e o Segundo Tenente de Alcalde e Concelleiro de Deportes Oscar González estiveron corredores e gañadores da edición de 2016, o gañador absoluto Óscar Bernárdez Carballo, o gañador local Juan Ramón Lira Fernández, a gañadora local Ana Isabel Domínguez Álvarez e o corredor e colaborador Bernardo Durán.

Ler Máis
30 Nov
0

Remata a primeira fase das obras na escola de Cerdeira

A iniciativa vai incluída dentro dun programa de arranxos en varios edificios públicos

O Concello das Neves ven de rematar as obras na escola de Cerdeira que abordaron a reposición do tellado para evitar filtracións de auga e recuperar a seguridade das persoas.

Este proxecto inclúe outras reparacións en tellados como os da escola de Vide e o do edificio da antiga Cámara Agraria.

As obras son subvencionadas a través da financiación do Plan Concellos e ascenden a cantidade de 31.000 euros.

Ler Máis
15 Nov
0

Inauguración da nova Biblioteca Municipal

O Concello inaugura a remodelada biblioteca municipal o vindeiro domingo 19 as 12:30 na rúa José Gil

Ler Máis
10 Nov
0

Selección Auxiliares Administrativos temporais (Aprol Rural)

O Concello das Neves ven de lanzar a convocatoria de selección de auxiliar administrativo a través do programa de subvencións Aprol Rural 2017.

Bases

  1. Bases Auxiliar Administrativo-a APROL RURAL
  2. Bases Auxiliar Administrativo/a-APROL RURAL

Resultados

  1. Resultado Selección Auxiliar Administrativo/a
  2. Resultado Selección Auxiliar Administrativo/a

Ler Máis
03 Nov
0

As Neves abre unha oficina para afectados polos lumes, que xa notificaron 1.283 incidencias. As Neves Zona Cero

Oficina de tramitación de axudas
 
Para a axuda na información e tramitación pedir cita no teléfono 986956341 en horario de 10 a 14 e de 16 a 20 horas

***

Nota anterior

O Concello das Neves contará “nos próximos días” cunha oficina para atender aos afectados polos incendios de mediados de outubro, os cales notificaron até o momento un total de 1.283 incidencias.

Así o comunicou este venres o goberno municipal e a Administración Autonómica, despois de que se reunísen durante horas o delegado da Xunta en Pontevedra, José Manuel Cores Tourís e outros xefes territoriais das Consellerías, cos grupos municipais das Neves, a petición do Alcalde Xosé Manuel Rodríguez Méndez, co fin de coordinarse “de cara a facilitar” as axudas postas en marcha polo Goberno autonómico e a iniciar o proceso de renacer das Neves.

Neste marco, a oficina municipal ten como obxectivo atender aos afectados, ofrecerlles información e axudarlles na tramitación das axudas “co obxectivo de que estas cheguen ao máximo número de afectados posible”.

Nos vindeiros días, o antes posible, indica o Alcalde nevés, informarase do lugar, horarios e sistema de atención da oficina de reclamacións e concretaranse reunións por sectores. O Goberno municipal porá todo o esforzo en minimizar os efectos posteriores a vaga de lumes como o ven facendo a través dun “espectacular grupo de voluntario”.

Ler Máis
02 Nov
0

Outono de Teatro 2017

O Concello das Neves pon en marcha unha nova edición do ciclo cultural Outono de Teatro

Teremos catro novas citas co teatro nos meses de novembro e decembro.

Ler Máis
01 Nov
0

Cata Solidaria As Neves Zona Cero

O vindeiro día 05 de Novembro, cata solidaria a prol dos afectados pola vaga de lumes en As Neves. O diñeiro recaudado irá íntegramente á conta “As Neves zona cero” avalada polo Concello das Neves para canalizar oficialmente as achegas económicas para axudar os damnificados nesta castástrofe.

Data: domingo 5 de novembro
Hora: 12:00
Lugar: Adega Señorío de Rubiós (Bouza do Rato s/n – Rubiós, As Neves)

Durante o evento cataranse varios viños brancos (albariño e condado blanco), tintos (a colección Manuel d´Amaro Espadeiro, Caiño tinto, Sousón e Pedral) e espumosos da adega, acompañados dunha degustación de productos da zona.

Para poder acudir á cata solidaria é preciso:

– Reservar praza nos números de teléfono: 654 960 109 ou 680 918 122. Ou tamén no correo electrónico: info@srubios.com

– Ingresar 15 € por persoa no número de conta “As Neves zona 0” IBAN: ES92 2080 5434 0830 4011 4499 (Abanca)

– O aforo é limitado polo que agradecemos que reservedes con antelación.

Gracias pola vosa colaboración e solidaridade!

Ler Máis