Blog

24 Ago
0

PESQUEIRAS SOBRE O MIÑO

Trátase de unha serie de construcións que sirven para capturar peces de río, como lampreas, anguías, troitas e salmóns e están sitas entre correntes e remuíños.

Atopamos pesqueiras no ríos máis importantes de Galicia (o Miño, o Ulla ou o Tambre). Este tipo de estruturas para a pesca fluvial son, quizais, dos máis enxeñosos e antigos que se conservan na nosa xeografía. Realizadas en cachotería de granito e sen ningún tipo de argamasa semellan grandes murallas de pedra sobre o río, divididas en dous, tres ou catro “poios” que conforman estreitos caneiros por onde discorre a auga e onde se colocan os “buitiróns”. Estas son grandes redes de pesca, de forma cónica, onde as capturas entran pero non son capaces de saír.

As pesqueiras alcanzan os cinco metros de lonxitude, os dous metros de ancho e os seis metros de altura constituíndose como verdadeiros farallóns de pedra sobre o Pai Miño. Elementos que se confunden coas paredes verticais que neste punto do río, se aproximan para acubillar o rápido discorrer das augas e no que os límites do construído polo home e a forza da natureza se desdebuxan nun marco de incomparable beleza.

Dende antigo, este tipo de construcións utilízanse principalmente para a captura da raíña dos nosos ríos, a lamprea. De feito, xa aparece relatado no “Índice de la renta del Monasterio de A Franqueira y de los títulos y foros que para cobrarla hay en su archivo” o pago de foros en lampreas xa no século XVII, a este mosteiro por parte do Conde de Salvaterra, propietario de moitas destas construcións.

Estes bens son de propiedade particular e pasan de xeración e xeración, polo que aínda hoxe en día, existen familias nas Neves que fan uso delas. Numeradas correlativamente, neste tramo do río poderás ver máis de 50 pescos ou pesqueiras.

No lugar de Prado (parroquia de Vide) e no Camiño dos Pescadores pasearás entre estas construcións, palpar parte do noso acervo cultural e admirar as magníficas vistas sobre o Miño que o municipio de As Neves nos ofrece.

Ler Máis
24 Ago
0

FURNAS DE RIBADEIRA

No lugar de Ribadeira, situado na aba sur do monte San Nomedio na parroquia de Rubiós, existen unhas cavidades rocosas de cronoloxía descoñecida excavadas na roca blanda de xisto. Con teito abovedado, teñen unha lonxitude de entre dous e cinco metros. Antigamente pechábanse por diante cunha porta de madeira e a súa función era a de gardar o gando pequeno (cabras e ovellas que pastoreaban en semiliberdade polo monte de San Nomedio) así como os apeiros de labranza e pastoreo.

Os animais eran guiados cara as ladeiras do monte, todas as mañáns polos rapaces da aldea, ante o perigo da aparición de depredadores como o lobo. Os mozos repartíanse o traballo de acompañar o gando por quendas, que se establecían segundo o número de casas.

Na actualidade son poucas as que se manteñen parcialmente intactas pois a maior parte delas foron derribadas polo tempo e a intemperia poidéndose apreciar aínda a súa estructura primitiva.

A escasos metros temos un mirador para apreciar as vistas do gran val do Miño dende As Neves ata Tui.Tamén moi cerca de aquí encontraremos o Castro de Altamira e os petroglifos de A Coutada, descubertos durante a ola de incendios de outubro de 2017. Na mesma Ribadeira podemos ver un fermoso peto embebido nun muro.

Ler Máis
24 Ago
0

XACEMENTO DE PORTOMAIOR

Un dos maiores descubrimentos da arqueoloxía dos últimos cincuenta anos, en Galicia.

Portomaior, en As Neves caracterízase por ser o xacemento de maior antigüidade da nosa comunidade. Con máis de 300.000 anos, os achados deste depósito de Portomaior fálannos de diferentes niveis de ocupación durante a era paleolítica. Vestixios únicos da técnica achelense que se manifestan na aparición de machados bifaces, picos de triedo e coitelas realizadas en cuarzo e cuarcita. Cuxa particularidade non só radica na gran cantidade de pezas atopadas (estímanse que arredor dunhas 4.000) senón tamén na gran envergadura das mesmas, a maiores de Europa. Singularidades que chaman a atención dos arqueólogos que ven similitudes entre este xacemento e outros contemporáneos do continente africano.

Tras varias escavacións preventivas as pezas están depositadas no Museo de Pontevedra e o xacemento non se pode visitar posto que aínda se atopa en fase de estudo.

Ler Máis
24 Ago
0

PETROGLIFOS DE TABOEXA

Múltiples son os petróglifos que nos últimos anos apareceron nas Neves que datan da Idade de Bronce: Os do Castro de Altamira, os da Fental da Minada, os do Morgallón ou os da Cabreira. Rectángulos, zigzags, coviñas, laberintos ou espirais que debuxan todo un mundo simbólico de gran importancia patrimonial.

Recentemente, descubríronse os gravados da Coutada, quizais o achado máis importante para a arte rupestre galega das últimas décadas.

Nunha gran lousa de granito, nas abas do monte San Nomedio o visitante poderá ver varias figuras antropomorfas e máis de 20 figuras zoomorfas, destacando a silueta dun gran cabalo de máis dun metro de lonxitude.

A maioría dos animais que se representan son équidos e algún can nunha singular escena de caza de máis de 4000 anos de antigüidade.

Para coñecelos pódese concertar unha visita a través do Centro de Interpretación do Patrimonio e Local sociocultural de Taboexa. O mellor momento para observar os gravados son as primeiras e as últimas horas do día, cando a luz do sol incide oblicuamente sobre os mesmos.

Ler Máis
23 Ago
0

PRAIAS FLUVIAIS

O municipio das Neves está dotada con 5 praias fluviales nas parroquias de Liñares, Tortoreos, As Neves, Setados e Vide. Dúas de estas praias dispoñen de área recreativa.

A praia fluvial de Santa Mariña está emprazada nunha zona natural, que destaca especialmente polo seu entorno, bosque autóctono nas inmediacións do río Miño. É ideal para desfrutar en compañía de familia e amigos, á beira da Área Recreativa de Santa Mariña, nas parroquias de Liñares e Tortoreos.

Praia fluvial de Santa Mariña

Tamén na beira do río Miño, na parroquia de As Neves, localízase a praia fluvial de Portomaior. Está situada nun magnífico entorno natural, con especies arbóreas. Polo seu carón transcorre o Camiño dos Pescadores. Conta cunha área habilitada con mesas, bancos e unha fonte, perfecta para facer pic-nic en boa compañía.

Para chegar ata ela debemos tomar a estrada que baixa ata a estación FF.CC de As Neves e antes de chegar a esta coller un desvío a man dereita que nos conducirá ata ela.

Outras das praias son A Ceña na parroquia de Liñares, Guláns na parroquia de , e A Barxa na parroquia de Vide.

 

Praia fluvial de Portomaior

 

Praia da Ceña

 

Praia fluvial de Guláns

Ler Máis
09 Ago
0

Verán Cultural 2018

Tódalas actividades culturais e deportivas que se celebrarán no Concello durante este verán…

 

 

 

 

 

 

 

 

 

 

 

 

 

 

Ler Máis
01 Ago
0

O Concello das Neves ten serios problemas de persoal por mor dun erro da Xunta

As pequenas obras de mantemento e a limpeza de espazos públicos estánse retrasando meses por este motivo

A previsión habitual e portanto,a do goberno nacionalista e socialista era contar con alomenos cinco persoas máis dende finais de maio ou inicios de xuño para atender a pequenas obras de mantemento e a limpeza espazos e viais públicos. A Xunta de Galicia, nun primeiro momento, denegou a subvención para a contratación de persoas perceptoras de Risga. Logo foron precisos un recurso do letrado do Concello e varias reunións para que finalmente se consiga dar a razón a As Neves, coa ainda sorprendente aclaración de que a contratación non se poderá efectuar ata finais de setembro.

O Concello das Neves quere mostrar públicamente o seu descontento con esta xestión da Xunta que está a causar problemas a toda a veciñanza nevense ou nevesa, as persoas actuais traballadoras e as que poderían selo mediante estas contratacións.

Algún do persoal actual incluso está a decidir, por responsabilidade, pospoñer a totalidade ou parte das súas vacacións por esta circunstancia, para así minimizar o impacto na veciñanza.

De calquera xeito, a poboación non ten que preocuparse pola prestación de servizos básicos esenciais como son o abastecemento de auga e o tratamento do lixo que están totalmente garantidos.

Ler Máis
26 Xul
0

I Torneo de Fútbol Sala Memorial Arturo

I Torneo de Fútbol Sala
Memorial Arturo – Concello das Neves
Na pista deportiva da Estación

 

Normativa

Ler Máis
11 Xul
0

Axudas económicas para atención a infancia (0 a 3 anos)

O Concello das Neves informa sobre axudas.

O Bono Concilia de axudas a atención a infancia de 0 a 3 anos

Ler Máis
10 Xul
0

Festa da Criba do compost

Xa temos o primeiro compost nas Neves co plan Revitaliza.

Achégate ao aparcadoiro da rúa Esperanza o venres 13 de xullo durante a mañá e leva unha bolsa con compost.

 

Fotos previas:

Ler Máis