Blog

28 Abr
0

Aprobadas as bases de axudas municipais. Augas, cultura, deporte, sociais e comerciais

O Goberno local aprobou o pasado 13 de abril as bases de axudas municipais para asociacións sen fins de lucro e comunidades de usuarios de augas de consumo, por un valor total de 44.250,00 €.

🖐 Trátase de cinco liñas diferentes de axudas, todas elas en concorrencia competitiva:


👉 1. Subvencións municipais ás Comunidades de Usuarios de Augas de Consumo do Concello das Neves para a realización de melloras das instalacións durante o ano 2021, cun orzamento total de 20.000 €.

Bases axudas comunidades de augas

Publicación no Boletín Oficial da Provincia

Formularios:

Comunidades de Augas Solicitude Subvención (Formulario 1)

Comunidades de Augas Certificado do acordo de solicitude, nomeamento de representante e número de usuarios (Formulario 2)

Comunidades de Augas Conta xustificativa de gastos (Formulario 3)

Comunidades de Augas Certificación para a xustificación das subvencións (Formulario 4)

👉 2. Subvencións municipais a entidades sen fin de lucro e deportistas individuais do Concello das Neves para a realización de actividades deportivas durante o ano 2021, cun orzamento total de 2.500 €.

Bases axudas a asociacións ou clubes deportivos

Publicación no Boletín Oficial da Provincia

Formularios:

Actividades deportivas Solicitude de subvención (Formulario 1)

Actividades deportivas Certificado do acordo de solicitude, nomeamento de representante e número de socios (Formulario 2)

Actividades deportivas Conta xustificativa de gastos (Formulario 3)

Actividades deportivas Certificación para a xustificación das subvencións (Formulario 4)

👉 3. Subvencións municipais a entidades sen fin de lucro do Concello das Neves para a realización de actividades culturais durante o ano 2021, cun orzamento total de 16.750 €.

Bases axudas a asociacións culturais

Publicación no Boletín Oficial da Provincia

Formularios:

Actividades culturais Solicitude de subvención (Formulario 1)

Actividades culturais. Certificado do acordo de solicitude, nomeamento de representante e número de socios (Formulario 2)

Actividades culturais Conta xustificativa de gastos (Formulario 3)

Actividades culturais Certificación xustificación das subvencións de actividades culturais (Formulario 4)

👉 4. Subvencións municipais a entidades sen fin de lucro do Concello das Neves para a realización de actividades de promoción e dinamización comercial, e para a dixitalización do comercio retallista durante o ano 2021, cun orzamento total de 2.500 €.

Bases axudas a asociacións comerciais

Publicación no Boletín Oficial da Provincia

Formularios:

Actividades promocion do comercio Solicitude de subvención (Formulario 1)

Actividades promocion do comercio Certificado do acordo de solicitude, nomeamento de representante e número de socios (Formulario 2)

Actividades promocion do comercio Conta xustificativa de gastos (Formulario 3)

Actividades promocion do comercio Certificación xustificación das subvencións (Formulario 4)

👉 5. Subvencións municipais a entidades sen fin de lucro do Concello das Neves para a realización de actividades sociais durante o ano 2021, cun orzamento total de 2.500 €.

Bases axudas a asociacións para actividades sociais

Publicación no Boletín Oficial da Provincia

Formularios:

Actividades sociais Solicitude de subvención (Formulario 1)

Actividades sociais Certificado do acordo de solicitude, nomeamento de representante e número de socios (Formulario 2)

Actividades sociais Conta xustificativa de gastos (Formulario 3)

Actividades sociais Certificación xustificación das subvencións (Formulario 4)

📢 O prazo de presentación de solicitudes estará aberto durante un mes dende o día seguinte á súa publicación no Boletín Oficial da Provincia (BOPPO).

Ler Máis
11 Xan
0

ORDENANZA AXUDAS DE EMERXENCIA SOCIAL

Solicítase a opinión dos suxeitos e das organizacións máis representativas potencialmente afectados pola futura norma.

Publicación Anuncio no Portal Web ORDENANZA AXUDAS DE EMERXENCIA SOCIAL

Ler Máis
12 Nov
0

ANUNCIO RESULTADOS PRIMEIRO EXERCICIO AUXILIAR BIBLIOTECA

Respostas e lista de aprobados no primeiro exercicio do proceso selectivo para o posto de auxiliar de bilioteca.

Anuncio resultados 1º exercicio proceso selectivo auxiliar biblioteca

Ler Máis
04 Abr
0

Bótanos unha man para confeccionar mascarillas e batas


Diante do aumento da demanda de material de protección individual e as dificultades para cubrir a necesidade que hai do mesmo, o Concello das Neves pon en marcha unha iniciativa de colaboración veciñal para a confección de batas e mascarillas reutilizables, a partir de tecido de uso sanitario financiado polo Servizo Galego de Saúde (Sergas), e que aporta a coordinadora do equipo solidario de bastas e mascarillas de Ponteareas,  Maite Isla.



Para levar a cabo esta iniciativa, o Concello achegará os tecidos xa cortados ás casas dos veciños e veciñas que o soliciten, que aportarán o seu gran de area coséndoos. Finalmente, será tamén o propio Concello o encargado de recoller o material rematado.



Dende o Concello animamos a todas as persoas a unirse a esta rede de solidariedade veciñal! É imprescindible anotarse contactando con Servizos Sociais:

Chamando aos teléfonos 986 66 71 34 / 689 98 42 10

Escribindo un correo electrónico a servizossociais@asneves.gal

indicando nome, enderezo e datos de contacto.

Ler Máis
03 Abr
0

Vives nun lugar a onde non chega o 4G? se é así precisamos da túa axuda.

Dende o Concello estamos a facer unha análise da situación actual da conectividade do noso territorio. Falamos tanto da cobertura móbil como de internet na casa ou negocio.

As tres grandes operadoras, subministradoras da cobertura móbil, aseguran que nas Neves temos 4G con moi boa intensidade na práctica totalidade dos lugares.

En canto á conexión a internet a través de fibra óptica, non existen datos xerais, pero si se pode consultar a posibilidade de instalación en cada enderezo a través das súas páxinas web:

Vives nun lugar a onde non chega o 4G?

A túa casa está nun enderezo que ten acceso a fibra óptica, e en realidade non é así?

Axúdanos a mellorar a información!

Chama ao 986648038 ou

Escríbenos a servizos@asneves.gal

Ler Máis
27 Mar
0

O Concello inicia unha ‘Desinfección masiva’ no centro e nas parroquias

Nos lugares transitados, prazas, edificios públicos, colectores do lixo e composteiros

O Concello  iniciou este xoves unha “desinfección total” dos lugares máis transitados da vila-preto de gasolineiras, farmacias, supermercados, panaderías, bancos, parada de taxis, tendas, o Centro de Saúde, prazas ou a oficina de Correos-, ademais de todos os edificios públicos, coma o propio Concello o Mercado ou as dependencias de Servizos Sociais- un traballo que seguirá a semana que ve, e que se repetirá as vindeiras, coa finalidade de “reducir ao máximo o risco de contaxio por coronavirus“, sinala o segundo tenente de alcalde e concelleiro de Servizos Públicos, Óscar González.

Este traballo está a ser posible grazas á colaboración “totalmente altruísta” de Talleres La Almudena, que non so vén de ceder un tractor ao Concello para poder levar adiante este labor, senón que puxo a disposición da mesma a dous dos seus empregados que, xunto cun traballador municipal, están a realizar a limpeza.

O Concello aporta o bactericida que está a empregarse na desinfección e os Equipos de Protección Individual (EPIs), compostos por buzos, luvas, máscaras e gafas.

Desinfección dos colectores do lixo e composteiros

Ao mesmo tempo que se realiza este traballo, o Concello vai a desinfectar todos os colectores do concello, que están repartidos en 330 puntos, un traballo que se repetirá as veces que sexa necesario para que diminúa ao máximo calquera risco que puidese existir ao deixar o lixo. Xunto cos contedores tamén están a desinfectarse todos os centros de compostaxe públicos das Neves.

Tamén do interior de todos os edificios públicos.

Para poder facelo a fondo, as profesionais da empresa Arcoiris, que dende hai máis de 20 anos ten contrato co Concello para a limpeza dos colexios e do Centro de Día, sumáronse ás empregadas municipais, unha medida que non so permitirá realizar este labor, senón que axudará a que aquelas traballadoras non se vexan abocadas a un Expediente Temporal de Regulamento de Emprego (ERTE).

O traballo, que están a desenrolar durante 5 horas polas tardes (no mesmo horario de limpeza dos centros de ensino e o de día) empezou onte coa desinfección completa do Mercado Municipal, para “garantir a total seguridade na venta deste venres”, e seguirá xa durante o resto dos días, de xeito que os inmobles públicos sexan esterilizados a diario.

Ler Máis
19 Out
0

As Neves celebra a ‘Semana da Biblioteca’

O día 24 de outubro é o Día da Biblioteca, e este ano nas Neves queremos celebralo.

• Na semana do 18 ao 23 de outubro, o horario de apertura da Biblioteca Municipal pasa a ser de mañá: Luns a sábado de 10:00 h a 14:00 h.

• Realizaranse visitas guiadas a todo o alumnado do CEIP Marquesa do Pazo da Mercé, coma a de onte, e achegar así a biblioteca ás nenas e nenos do centro, que ademais de coñecer as súas instalacións e os servizos que ofrece, gozarán de actividades de lectura.

Teatro

• O sábado día 23 ás 12:00 h teremos unha obra de teatro para público familiar nas instalacións da propia Biblioteca Municipal.

Será a peza “U-la lúa?” da compañía A Xanela do Maxín.
Se o tempo o permite, realizarase no exterior. Acceso libre ata completar capacidade

Ler Máis
15 Out
0

Un ano máis, ‘Voluntariado das Neves’ fai público o estado da conta ‘As Neves Zona 0’

Cúmprense catro anos dos lumes de 2017 e seguindo co seu compromiso,  ‘Voluntariado das Neves’ fai público o estado da conta de ‘As Neves Zona 0’.

Confiamos en ter cumprido co noso obxectivo de apoio aos Servizos Sociais do Concello no inicio da pandemia e sempre de acordo con eles e coa Concellería de Servizos Sociais, levamos a cabo unha nova reestruturación dos fondos dispoñibles coa intención de cumprir, na medida do posible, cos obxectivos iniciais deste proxecto.

Grazas inmensas a todos e todas os voluntarios e voluntarias, que seguides colaborando no día a día por regalarnos o máis valioso que tedes, o voso tempo,este ano moi especialmente ás nosas voluntarias costureiras.

Coma sempre, estamos á vosa disposición en voluntariadoasneves@gmail.com

Ler Máis
15 Out
0

Seis territorios de Galicia, xuntos nas Neves, contra o abandono dos montes

Ante o abandono do monte, a inacción do home e o deterioro do chan xorde o proxecto “Son de Monte” impulsado por seis Grupos de Desenvolvemento Local (GDR) de Galicia, que se unen nesta iniciativa ao entenderen que o aproveitamento dos recursos naturais é o mellor xeito de coidar os montes e o rural galego.Somos unha afirmación de optimismo que quere ser bandeira dunha vida digna no rural”.

Este proxecto de cooperación financiado polo Programa Leader Galicia 2014-2020 bota andar cunha serie de xornadas, unha delas a celebrada hoxe nas Neves, que se prolongarán durante este ano e o vindeiro para poñer en marcha diferentes experiencias nas que cada GDR traballará nunha temática concreta de xestión do monte.

Así, mentres o Condado Paradanta se centra nas estratexias de recuperación dos montes queimados, tanto dende a vertente de danos materiais como na repercusión social e emocional, o Eurural traballará coas comunidades educativas en crear unha guía didáctica de concienciación cos montes, Limia Arnoia na posta en valor de determinadas especies para o seu aproveitamento forestal, Mariña Betanzos na posta en valor do monte dende o punto de vista paisaxístico, Seitura 22 no aproveitamento agroforestal para sistemas ecosostibles e Vales Orientais de Lugo no aproveitamento do colmo das súas tradicionais pallozas.

Hoxe, en Taboexa

Todo isto expúxose esta mañá no Centro de Interpretación do Patrimonio e Cultural de Taboexa, nunha xornada na que participaron unhas 40 persoas procedentes destas seis zonas da Comunidade e na que deron a benvida o presidente da Comunidade de Montes de Taboexa, Óscar González; o presidente do GDR Condado Paradanta, Pablo Castillo e o alcalde das Neves, Xosé Manuel Rodríguez.

O xerente do GDR Condado Paradanta, Paco González, foi o encargado de presentar o proxecto e os seus obxectivos remarcando “a unión dos diferentes grupos por un ben común, a posta en valor dos nosos montes”, concienciando nos diferentes usos “recreativos, deportivos, micolóxicos, paisaxísticos… máis alá do forestal”. Incidiu en que “traballaremos conxuntamente nesta problemática, cada un dende unha perspectiva diferente, para acadar a creación dunha rede de centros de valorización do monte e dunha guía de boas prácticas en cada unha desas seis temáticas”.

Plantación na lembranza dos lumes de 2017

Coincidindo a data de hoxe co dos lumes devastadores de outubro de 2017 procedeuse a, dun xeito simbólico, plantar seis árbores, especies autóctonas: loureiro, carballo, abeleira, castiñeiro, acevo e cerdeira.

A continuación os participantes na xornada fixeron unha andaina e visita guiada aos petróglifos da Coutada, na mesma parroquia de Taboexa, os cales precisamente se descubriron logo dos lumes e foron recuperados e postos en valor cun proxecto do Concello das Neves financiado polo Programa Leader Galicia 2014 – 2020.

Previa á saída houbo dúas palestras, nunha o psicólogo Xavier Macías e a mestra Sabela Lahuerta falaron do proxecto de voluntariado Zona Cero, que logo de catro anos continúa a día de hoxe sobre todo moi vinculado a iniciativas coa comunidade educativa.

Na segunda, a enxeñeira técnica agrícola Alejandra González presentou outro proxecto, nado precisamente a raíz do grupo de voluntariado, relacionado coa rexeneración ambiental e a concienciación social, a través do cal se fan sendas botánicas e plantacións nos centros educativos, entre outras accións de posta en valor dos montes.

Ler Máis
14 Out
0

Despregue de fibra óptica de Telefónica nas Neves

Nestes días telefónica instala fibra nalgúns barrios e o Concello das Neves busca solucións para mellorar a conectividade xa que as actuais non son suficientes.

A actual instalación que se está a levar a cabo debe estar rematada antes de finais de 2021 xa que o traballo é totalmente subvencionado por Goberno español dentro dese prazo máximo.

 

A instalación é nos seguintes lugares:
• ABELLEIRA 11 casas que poderían conectarse
• BATALLA 3
• CUSTEIRA 8
• MOUTADA 3
• OUTEIRO 10
• SOUTO 9
• FRAGUA 6
• GUILLE 3
• SANTA EULALIA DE BATALLÁNS 36
• COTO 3
• PAZO 12
• POUSA 9

👉Esta instalación cubre a maior parte dos barrios de San Pedro e Santa Eulalia de Batalláns pero deixa outros fora, algo inexplicable dende a visión do Goberno municipal.

👉Por iso, o Concello traballa xa con outras empresas interesadas en estender a fibra óptica ou mellores posibilidades de conexión móbil.

👉 Rede Aberta e o Concello acordarán nas vindeiras semanas un plan de despregue de fibra o máis amplo posible, que de servizo a zonas onde hai maior concentración de clientes pero tamén ao resto dos barrios; que de servizo as empresas e aos centros públicos.

Fai xa uns meses o Concello das Neves concedeu licencia para a instalación dunha antena de telefonía da empresa Fibralar que permitirá mellor conexión móbil a prezo competitivos.

Ler Máis
13 Out
0

II Xornada ‘Son de Monte’, este venres, día 15 nas Neves

O Grupo de Desarrollo Rural (GDR) do Condado Paradanta organiza este venres, día 15 de outubro, nas Nenes, as segundas xornadas SondeMonte nas que seguirá coa presentación das súas iniciativas.
 
Será un día especial, aberto ao público, no Centro de Interpretación do Patrimonio e Cultural de Taboexa, coincidindo cos catro anos dos incendios nas Neves, no que se falará deste proxecto de cooperación que ten coma obxectivo o aproveitamento dos recursos naturais, o coidado do monte e a concenciación social.
 
A xornada rematará coa plantación de árbores e cunha visita guiada aos petróglifos da Coutada.
 
Lembra: 
📌 Centro de Interpretación do Patrimonio e Cultural de Taboexa
⏰ De 10.00 a 14.00 h
✍️ Inscríbete xa en 👉 https://sondemonte.gal

Ler Máis
13 Out
0

Asemblea aberta da Plataforma en Defensa da Sanidade Pública do Condado

Este xoves, 14 de outubro ás 20:00 h, vai ter lugar no Auditorio Municipal das Neves unha Asemblea Aberta da Plataforma en Defensa da Sanidade Pública do Condado para falar sobre a situación actual dos servizos sanitarios da Comarca.

Dende o Concello convídase a participar na mesma e expoñer os problemas e carencias na atención sanitaria que teñen que soportar as nosas veciñas e veciños.

Ler Máis
08 Out
0

ITV de vehículos agrícolas

A Unidade Móbil de Inspección Técnica de AGRÍCOLAS, desprazarase ao concello das Neves.

Estarán na vila os seguintes días no aparcadoiro da rúa Esperanza:

• Xoves 18/11/2021, de 09:00 a 13:30 a 18:00h.

• Venres, 19/11/2021 de 9:00 h a 13:30 h

• Luns 22/11/2021 de 9:00 h a 13:30 h, e de 15:15 h a 18:00 h.

Para solicitar cita previa:
• Por teléfono: 902 30 90 00.
• A través da páxina web: www.sycitv.com – Cita previa

Ler Máis
07 Out
0

Todo a punto para a XV Festa do Tinto Rías Baixas nas Neves, este é o programa

As Neves inicia este domingo, día 10, as actividades da XV Festa do Tinto das Rías Baixas, que terá o seu día central o martes, 12 de outubro. A festa recupera, case na súa totalidade, o seu formato habitual, logo das restricións do ano pasado, seguindo as medidas aprobadas polas autoridades sanitarias, e extremará o respecto á separación de seguridade, os aforos e a desinfección de mans, pedindo a colaboración dos asistentes.

Este 2021 será posíbel volver a gozar da natureza, as actividades para nenas e nenos,a música, o deporte, obradoiros, as novas propostas e, por suposto, do viño e da gastronomía.

Este domingo, día 10, de 09:30 a 13:00h. será o tempo da ‘Andaina do Requeixo e do Tinto’, que sairá dende a Praza do Concello e percorrerá parte do Concello. As persoas interesadas en coñecer parte da nosa natureza e paisaxe poden inscribirse en: turismo@asneves.gal.

Xa pola tarde, ás 19:30h. na Casa da Auga Chan de Vide, presentación da Adega Chan de Vide.

Martes, 12 de outubro

O martes, 12, será o ‘día grande’ do Tinto das Rías Baixa, cun programa que empezará ás 11 da mañá coa apertura da festa; seguirá ao mediodía o Concerto da Coral Polifónica Santa María das Neves. Ás 12:30, terá lugar a recepción de autoridades na Casa do Concello, previa ao pregón, previsto para as 13:00h., a cargo de Pablo Méndez, Premio Xove Empresario de Galicia 2021, e Sara Vila, Premio Illa Nova de Narrativa 2021.

Será ás 13:30h. cando actuará o grupo Os Monifates, dando paso ás 14:30h. á presentación da Adega Chan de Vide e, de seguido, ás 15:00h. a música de Cé Orquestra Pantasma.

Xa polo serán, ás 17:00h. chegará o espectáculo infantil ‘Brinca Vai!De aquí acolá’, de Paco Nogueiras. Dende esa mesma hora e ata as 20:00h., haberá unha ‘Xornada de Cultura Urbana’, na Praza do Concello, con obradoiros de Graffiti, Skateboard, Danzas Urbanas e Stencil.

O día rematará ás 20:00h. co Concerto de Xabier Díaz e as Adufeiras de Salitre.



A programación desta XV Festa do Tinto Rías Baixas, terá o seu peche o xoves, día 14, coa ‘Cata Profesional’ para as adegas participantes cos expertos internacionais David Schwarzwälder e Yvonne Heistermann.

Ler Máis
30 Set
0

Entrega de mochilas escolares solidarias

A colaboración entre o Concello, a Fundación Amigos de Galicia e One Oak Brand, fixo posible e a entrega de mochilas con material escolar a nenos e nenas das Neves.

Esta iniciativa ten como obxectivo a achega do material escolar necesario para que os nenos e nenas poidan desenvolver os seus estudos en igualdade de condicións. 

As mochilas levan material escolar adaptado a cada ciclo educativo (Infantil, Primaria e Secundaria): libretas, carpetas, lapis, bolígrafos, ceras, gomas, dispositivos informáticos, etc.

Ademais, este ano, con motivo da crise sanitaria ocasionada pola COVID-19, as mochilas tamén conteñen máscaras cirúrxicas, portamáscaras e xeles para limpar as mans.

Ler Máis
27 Set
0

A Unidade móbil de Doazón de Sangue nas Neves

Este martes, día 28 de setembro, a Unidade móbil de Doazón de Sangue estará fronte ao Centro de Saúde en horario de mañá (10:00 a 14:00 h) e de tarde (16:00 a 21:00 h).

Galicia precisa 500 donacións de sangue ao día para dar resposta ás necesidades dos hospitais.  

Axencia de doazón de órganos e sangue (ADOS), sinala que a túa doazón de sangue pode axudar a máis dun doente xa que os compoñentes sanguíneos empréganse por separado e poden salvar ata 3 vidas.  

Ler Máis